Leopard : హైదరాబాద్ శివారు ప్రాంతాల్లో చిరుత కదలికలు.. వణికిపోయిన ప్రజలు

హైదరాబాద్ శివారు ప్రాంతాల్లో మళ్ళీ చిరుత కదలికలు కలకలం రేపాయి. బాలాపూర్ రీసెర్చ్ సెంటర్ ఇమరాత్ ప్రాంగణంలో చిరుత కదలికలను స్థానికులు గుర్తించారు. దీంతో భయభ్రాంతులకు లోనైన వారు పోలీసులకు సమాచారం అందించారు. ఈ ప్రాంతంలో రెండు చిరుతల సంచరిస్తున్నట్లుగా అధికారులు గుర్తించారు. బాలాపూర్ ప్రాంత ప్రజలే కాకుండా ఈ ప్రాంతం గుండా రాకపోకలు సాగించే ప్రయాణికులు సైతం అప్రమత్తంగా ఉండాలని అధికారులు సూచించారు.

కాగా గతంలో కూడా చిరుతపులల సంచారంతో నగర ప్రజలు వణికిపోయారు. అప్పుడు అటవి అధికారులు పులులను పట్టుకుని సంరక్షణ కేంద్రానికి తరలించిన సంగతి తెలిసిందే. ఐతే ఈ మధ్య కాలంలో చిరుతల కదలికలు కనిపించలేదు. మళ్లీ నిన్న రాత్రి బాలాపూర్ శివారు ప్రాంతాల్లో చిరుతలు సంచరించడం కలకలం గా మారింది.