Konda Vishweshwar Reddy : తిరుమల శ్రీవారికి స్వర్ణాభరణం కానుకగా సమర్పించిన ఎంపీ కొండా విశ్వేశ్వర్ రెడ్డి...

తిరుమల శ్రీ వెంకటేశ్వర స్వామివారికి తెలంగాణ బీజేపీ ఎంపీ కొండా విశ్వేశ్వర్ రెడ్డి భారీ విరాళాన్ని సమర్పించారు. దాదాపు రూ.60 లక్షల విలువైన "అష్టలక్ష్మీ చంద్రవంక కంఠి" అనే అత్యంత అపురూపమైన స్వర్ణ కంఠాభరణాన్ని స్వామివారికి కానుకగా అందించారు.

కాగా ఈ విషయాన్ని టీటీడీ ఛైర్మన్ బీఆర్ నాయుడు ఒక ప్రకటనలో వెల్లడించారు. ఎంపీ విశ్వేశ్వర్ రెడ్డి అందించిన ఈ ఆభరణం 535 గ్రాముల బరువు ఉందని తెలిపారు. తిరుమలలోని రంగనాయకుల మండపంలో జరిగిన కార్యక్రమంలో, టీటీడీ అదనపు ఈవో సీహెచ్ వెంకయ్య చౌదరితో కలిసి ఈ విరాళాన్ని అందుకున్నట్లు ఛైర్మన్ పేర్కొన్నారు.