విద్యార్థులు ఎగిరి గంతేసే వార్త ఇది. తెలంగాణలో రాష్ట్ర విద్యాశాఖ దసరా సెలవులను అధికారికంగా ప్రకటించింది. మొత్తం 13 రోజుల పాటు సెలవులు ప్రకటించింది విద్యా శాఖ. పాఠశాలలు, జూనియర్ కళాశాలలకు వేర్వేరు తేదీల్లో సెలవులు ప్రారంభం కానున్నాయి.
రాష్ట్రంలోని అన్ని పాఠశాలలకు ఈ నెల 21వ తేదీ నుంచి అక్టోబర్ 3 వ తేదీ వరకు దసరా సెలవులు ఉండనున్నాయి. తిరిగి అక్టోబర్ 4వ తేదీన పాఠశాలలు పున ప్రారంభం కానున్నాయి. ఇక జూనియర్ కళాశాలలకు ఈ నెల 28వ తేదీ నుంచి సెలవులు ఇవ్వనున్నట్లు విద్యాశాఖ తెలిపింది. ఈ సెలవులు అక్టోబర్ 5వ తేదీతో ముగుస్తాయి. జూనియర్ కళాశాలలు అక్టోబర్ 6వ తేదీ నుంచి తిరిగి ప్రారంభమవుతాయి. ఈ మేరకు తెలంగాణ ప్రభుత్వం ఉత్తర్వులు జారీ చేసింది.