ప్రముఖ దర్శకుడు ఎస్ఎస్ రాజమౌళి వివాదంలో కూరుకుపోయారు. ప్రముఖ నిర్మాత, అతని సుదీర్ఘ స్నేహితుడు ఉప్పలపాటి శ్రీనివాసరావు చేసిన ఆరోపణలు హాట్ టాపిక్ గా మారాయి. తన జీవితాన్ని రాజమౌళి నాశనం చేశాడని ఆరోపిస్తూ శ్రీనివాసరావు ఒక సెల్ఫీ వీడియో, లేఖను రిలీజ్ చేశాడు. రాజమౌళి తాను ఎగ్జిక్యూటివ్ ప్రొడ్యూసర్ గా పని చేసిన యమదొంగ సినిమా తర్వాత తనను దూరం పెట్టాడని చెప్పారు. 34 ఏళ్ల స్నేహం ఉన్నప్పటికీ, తన వ్యక్తిగత జీవితంలో ఒక మహిళ ప్రవేశించడంతో రాజమౌళి తనను పూర్తిగా విస్మరించాడని ఆరోపించారు. ఇకపై తాను బతకలేనని, తన మరణానికి రాజమౌళే కారణమని తన లేఖలో రాశారు. "రాజమౌళి దర్శకుడు అవ్వక ముందు నేను ఒక అమ్మాయిని లవ్ చేశాను. అతను కూడా ఆ అమ్మాయిని లవ్ చేశాడు. ఇక నన్ను త్యాగం చేయమని అన్నాడు. అప్పుడు కెరీర్ గురించి ఆలోచించి నేను త్యాగం చేశాను. అయితే కొన్నాళ్ల తరువాత రాజమౌళి గత జీవితానికి సంబంధించిన ఈ విషయాలను బయటకు చెబుతానేమో అని నన్ను టార్చర్ చేయడం స్టార్ట్ చేశారు. మా స్నేహం గురించి ఇండస్ట్రీలో చాలామందికి తెలుసు. రాజమౌళి కారణంగా నా కెరీర్ నాశనం అయ్యింది. అతని వల్లే 50 ఏళ్లయినా ఇంకా బ్యాచిలర్ గానే ఉన్నా' అంటూ శ్రీనివాసరావు వివరణ ఇచ్చారు. ఇది తన మరణ వాగ్మూలం అంటూ వీడియో రిలీజ్ చేసిన అనంతరం అతని ఫోన్ కూడా స్విచ్ ఆఫ్ లో ఉన్నట్లు తెలుస్తోంది. ప్రస్తుతం శ్రీనివాసరావు ఎక్కడ ఉన్నాడనేది పెద్ద ట్విస్ట్ గా మారింది.