Ukrainian Air Force: రష్యా డ్రోన్ తయారీ కేంద్రంపై బాంబు
226 కేజీల బాంబ్ వదిలిన ఉక్రెయిన్.
రష్యాలోని డ్రోన్ తయారీ కేంద్రంపై ఉక్రెయిన్ బాంబు దాడి చేసింది. వోవ్చాన్స్క్ లో ఉన్న డ్రోన్ కంట్రోల్ అండ్ కమ్యూనికేషన్ హబ్ను పేల్చివేసింది. ఉక్రెయిన్ వైమానిక దళానికి చెందిన సుఖోయ్-27 ఫైటర్ జెట్.. సుమారు 226 కిలోల బాంబును జారవిడిచింది. ఆ దాడికి చెందిన వీడియో సోషల్ మీడియాలో వైరల్ అవుతున్నది. డ్రోన్ సెంటర్లో ఉన్న ఓ బిల్డింగ్పై సుఖోయ్ యుద్ధ విమానం బాంబును వేసింది. టార్గెట్ను చేరుకోగానే.. చాలా శక్తివంతమైన పేలుడు జరిగింది. దీంతో దట్టమైన పొగ వ్యాపించింది.
అటాక్ కోసం జీబీయూ-62 బాంబును వాడారు. జేడీఏఎం-ఈఆర్ కిట్ను కూడా ఆ అటాక్ కోసం వినియోగించారు. జీబీయూ-62 సుమారు 500 పౌండ్ల బరువున్న బాంబు. ఎంకే-82 ప్రమాణాల ప్రకారం దాన్ని నిర్మించారు. జేడీఏఎం జీపీఎస్ గైడెన్స్ సిస్టమ్ ద్వారా దీన్ని అప్గ్రేడ్ చేశారు. శాటిలైట్, ఇంటర్నల్ నావిగేషన్ ద్వారా ఈ బాంబు టార్గెట్ను చేరుకుంటుంది. ఈఆర్ గ్లైడ్ మాడ్యూల్.. ఆ బాంబును టార్గెట్ వరకు తీసుకెళ్లే ప్రయత్నం చేస్తుంది. అంటే యుద్ధ విమానం టార్గెట్ సమీపం వరకు వెళ్లవలసిన అవసరం లేకుండానే బాంబును పేల్చవచ్చు.