TDP : టీడీపీ కొత్త సారథి ఎన్నికకు నోటిఫికేషన్.. నేటి సాయంత్రం ప్రకటన

కడప మహానాడులో టీడీపీ జాతీయ అధ్యక్షుడు ఎన్నిక నోటిఫికేషన్ విడుదల చేశారు. మంగళవారం మహానాడు వేదికపై పార్టీ పొలిట్ బ్యూరో సభ్యులు వర్ల రామయ్య ఎన్నిక నోటిఫికేషన్ ను విడుదల చేశారు. మంగళవారం సాయంత్రం 5 గంటల వరకు నామినేషన్ల స్వీకరణ గడువు ఉంటుందని తెలిపారు. అలాగే బుధవారం నామినేషన్ల పరిశీలన, అభ్యర్థుల జాబితా ప్రకటన ఉంటుందని, ఆ తర్వాత సాయంత్రం 4 గంటలకు ఎన్నికల ఫలితాలను విడుదల చేస్తామని వర్ల రామయ్య వెల్లడించారు. ఇదిలా ఉండగా టీడీపీ జాతీయ అధ్యక్షుడుగా చంద్రబాబు ఎన్నిక దాదాపు ఖాయంగా కనిపిస్తోంది. కేవలం పార్టీ నిబంధనలు, నియమావళికి అనుగుణంగా ఈ ఎన్నికను నిర్వహిస్తున్నారు.