RBI : రూ.8470 కోట్ల విలువైన రూ.2వేల నోట్లు ఇప్పటికీ ప్రజల వద్దే ఉన్నాయి: ఆర్‌బీఐ

రిజర్వ్ బ్యాంక్ ఆఫ్ ఇండియా (ఆర్‌బీఐ) రూ. 2000 బ్యాంకు నోట్లలో దాదాపు 97.62 శాతం బ్యాంకింగ్ వ్యవస్థకు తిరిగి వచ్చాయని, కేవలం రూ. 8,470 కోట్ల విలువైన ఉపసంహరణ నోట్లు మాత్రమే ఇప్పటికీ ప్రజల వద్ద ఉన్నాయని చెప్పింది. మే 19, 2023న, RBI రూ. 2000 డినామినేషన్ బ్యాంక్ నోట్లను చెలామణి నుండి ఉపసంహరించుకుంటున్నట్లు ప్రకటించింది.

మే 19, 2023న రూ.2000 నోట్లను ఉపసంహరించుకుంటున్నట్లు ప్రకటించగా.. బిజినెస్ ముగిసే సమయానికి రూ.3.56 లక్షల కోట్లుగా ఉన్న మొత్తం రూ.2000 నోట్ల విలువ చెలామణిలో ఉన్నాయి. ఫిబ్రవరి 29, 2024న మార్కెట్ ముగిసే సమయానికి ఇది రూ.8,470 కోట్లకు తగ్గింది” అని ఆర్‌బిఐ ఒక ప్రకటనలో తెలిపింది.

అంతకుముందు మే 19, 2023 నాటికి చెలామణిలో ఉన్న రూ. 2000 నోట్లలో 97.62 శాతం తిరిగి వచ్చాయని ఆర్బీఐ చెప్పింది. "రూ. 2,000 నోట్లు చట్టబద్ధమైన చెల్లుబాటులో కొనసాగుతున్నాయి" అని RBI తెలిపింది. దేశవ్యాప్తంగా ఉన్న 19 RBI కార్యాలయాల్లో ప్రజలు రూ. 2000 బ్యాంకు నోట్లను డిపాజిట్ చేయవచ్చు/లేదా మార్చుకోవచ్చు. ప్రజలు భారతదేశంలోని వారి బ్యాంక్ ఖాతాలకు క్రెడిట్ కోసం ఏదైనా పోస్ట్ ఆఫీస్ నుండి ఏదైనా RBI ఇష్యూ ఆఫీసులకు ఇండియా పోస్ట్ ద్వారా రూ. 2000 బ్యాంకు నోట్లను పంపవచ్చు.