UPI Services : యూపీఐ సేవల్లోకి స్విగ్గీ
జొమాటో తర్వాత ఆన్లైన్ ఫుడ్ గ్రోసరీ డెలివరీ ప్లాట్ ఫామ్ స్విగ్గీ తన సొంత యుపీఐ సేవలను ప్రారంభించింది. దీంతో బయట యాప్లపై ఆధారపడటాన్ని తగ్గనుంది. చెల్లింపు వైఫల్యాలను తగ్గించడానికి, చెక్అవుట్ అనుభవాన్ని సులభతరం చేయడానికి యూపీఐ సేవలు ప్రారంభించిట్లు తెలిపింది.
కొత్త యాప్ లో చెల్లింపు సేవ యెస్ బ్యాంక్, జుస్పే భాగస్వామ్యంతో యుపీఐ-ప్లగ్ఇన్ ద్వారా ప్రారంభించబడుతోంది. స్విగ్గీ ప్రస్తుతం తన ఉద్యోగులకు క్లోజ్డ్ యూజర్ గ్రూప్ దీన్ని ప్రారంభించింది. త్వరలో కస్టమర్లకు దశల వారీగా దీన్ని తెరవడం ప్రారంభిస్తుంది అని అభివృద్ధికి సన్నిహిత వ్యక్తి తెలిపారు.
స్విగ్గీ ప్రధాన ప్రత్యర్థి జొమాటో తన ఫిన్దిక్ ప్లేని తగ్గించి, పేమెంట్ అగ్రిగేటర్ లైసెన్స్ ను సరెండర్ చేసి, నాన్-బ్యాంకింగ్ ఫైనాన్షియల్ కం పెనీ కోసం తన దరఖాస్తును ఉపసంహరించుకుంది. యూపీఐ ప్లగిన్ అనేది 2022లో నేషనల్ పేమెంట్స్ కార్పొరేషన్ ఆఫ్ ఇండియా ద్వారా ప్రారంభించబడిన ఉత్పత్తి. ఇది వ్యాపారులు తమ యాప్ లో యుపీఐ చెల్లింపుల సేవను ప్రారంభించడానికి టీపీఏపీ లైసెన్స్ ను పొందవలసిన అవసరాన్ని తగ్గిస్తోంది. చెల్లింపు చేయడానికి కస్టమర్లు వేరే యాప్ ను ఉపయోగించాల్సి వచ్చినప్పుడు, ముఖ్యంగా నెట్ వర్క్ కనెక్టివిటీ బాగా లేనప్పుడు చెల్లింపు వైఫల్యాల ప్రమాదం పెరుగుతుంది. ఇది తగ్గించడానికే స్విగ్గీ యూపీఐ సర్వీస్ ప్రారంభించింది.