Aditi Rao : అదో చెత్త ఎయిర్ పోర్ట్ : అదితి రావు హైదరీకి చేదు అనుభవం
యూకే విమానాశ్రయంలో బాలీవుడ్ నటి అదితి రావు హైదరీకి చేదు అనుభవం ఎదురైంది. ప్రయాణం అనంతరం తన లగేజీ మాయమైందని, దానికోసం గంటల తరబడి వెయిట్ చేయాల్సి వచ్చిందని ఆవేదన వ్యక్తం చేసింది. దీనిపై ఎయిర్ పోర్ట్ అధికారులను సంప్రదిస్తే.. వారు చేతులెత్తేశారని పేర్కొంది. సంబంధిత ఎయిర్లైన్ను సంప్రదించమన్నారని తెలిపింది. ఇక ఎయిర్ పోర్ట్ సర్వీసులపై అసహనానికి గురైన అదితి.. ఇంత చెత్త ఎయిర్పోర్టును తానెప్పుడూ చూడలేదంటూ ఆగ్రహం వ్యక్తం చేసింది. గంటలకొద్ది
ఎయిర్ పోర్టులో టైమ్ అంతా వృథాగా పోయిందని వాపోయింది. సిబ్బంది ఇంత నిర్లక్ష్యంగా ఎలా వ్యవరిస్తారని మండిపడింది. దీనిపై ఇన్స్టా వేదిగా ఓ పోస్ట్ పెట్టింది అదితి. ప్రస్తుతం ఈ పోస్ట్ సోషల్ మీడియాలో వైరల్గా మారింది. ఇక సినిమాల విషయానికొస్తే.. రీసెంట్గా ఈమె నటించిన 'హీరామండి.. ది డైమండ్ బజార్' సినిమా మంచి విజయాన్ని సొంతం చేసుకుంది. అందులో అదితి బిబ్బోజాన్ పాత్రలో నటించి మెప్పించింది. ప్రస్తుతం 'గాంధీ టాక్స్' 'లయనెస్' సినిమాలో నటిస్తోంది. అదే విధంగా అతిది రావు హైదరీ .. నటుడు సిద్ధార్థ్ను త్వరలోనే పెళ్లి చేసుకోనుంది. గతకొంత కాలంగా అదితి, సిద్దార్థ్ ప్రేమించుకుంటున్నారు. కొద్ది రోజుల క్రితం వీరి ఎంగేజ్మెంట్ కూడా జరిగింది. సిద్దార్థ్ విషయానికొస్తే.. ఇండియన్ 2 లో కీలక పాత్ర పోషిస్తున్నాడు. తాజాగా రిలీజ్ అయిన ట్రైలర్లో సిద్దార్థ్ పాత్ర సినిమాలో చాలా కీలకంగానే కనిపిస్తుంది. హైదరాబాద్ లో పుట్టి పెరిగిన ఈ బ్యూటీ.. తెలుగులోనే ఎక్కువ సినిమాలు చేసింది. చెలియా, సమ్మోహనం, అంతరిక్షం లాంటి సినిమాలు చేసింది.
చివరగా 2021లో సైకో సినిమాలో మెరిసింది. నాని హీరోగా చేసిన వీ సినిమాలోనూ ఈ అమ్మడు యాక్ట్ చేసింది.
