Bharateeyudu 2 : భారతీయుడు-2 టికెట్ల రేట్లు పెరిగాయ్..ఎంతంటే ?

కమల్ హాసన్, శంకర్ కాంబోలో తెరకెక్కిన పాన్ ఇండియా మూవీ భారతీయుడు-2. భారతీయుడు సినిమాకు సీక్వెల్ వచ్చిన ఈ మూవీ రేపు ప్రపంచ వ్యాప్తంగా థియేటర్లలో రిలీజ్ కాబోతోంది. ఇందులో కమల్ హాసన్ సేనాపతి పాత్రలో 100 ఏళ్ళు పైబడిన వృద్ధుడిగా కనిపించి, విలన్లతో భారీ యాక్షన్ సీన్స్ లో పాల్గొంటారు. ఇక చిత్రం ట్రైలర్ విడుదలతోనే మంచి హైప్ క్రియేట్ అయ్యింది. ఇక ఎలాంటి సినిమా అయినా సరే ముఖ్యంగా పెద్ద సినిమాలు టిక్కెట్ల రేట్లు, అదనపు షోలు అవసరం పడితే డ్రగ్స్ నిర్మూలనపై మద్దతు తెలుపుతూ వీడియోల ద్వారా సందేశాలు ఇవ్వాలని సీఎం రేవంత్ రెడ్డి చెప్పిన సంగతి తెలిసిందే. ఇప్పుడు ఇండియన్ 2 మూవీ టీమ్ కూడా ఆ విధంగా అడుగులు వేయడంతో ప్రభుత్వం నుంచి రెండు ఆఫర్స్ వచ్చాయి. నైజాంలో టిక్కెట్ల రేట్లు పెంచుకునేందుకు అనుమతులు ఇచ్చింది. మల్టీప్లెక్స్ థియేటర్స్ లలో ప్రస్తుతం ఉన్న టిక్కెట్ల రేట్ల కంటే 75 రూపాయలు అదనంగా పెంచనున్నారు. ఇక సింగిల్ స్క్రీన్ థియేటర్స్ లలో 50 రూపాయలు పెంచుకునే వెసులుబాటు కలిగించారు.

అదనంగా రోజుకు 5 షోలకు పర్మిషన్ కూడా లభించింది. మొదటి 7 రోజులు ఈ తరహాలో సినిమా కొనసాగనుంది.