Hanuman Collections : హనుమాన్ కలెక్షన్స్ సునామీ.. మొత్తం ఎంతంటే ?

సంక్రాంతి సినిమాల్లో హనుమాన్ (Hanuman) బిగ్గెస్ట్ హిట్ గా నిలిచిన హనుమాన్ హంగామా బాక్సాఫీస్ దగ్గర ఇంకా కొనసాగుతూనే ఉంది. 92 ఏళ్ళ తెలుగు సినిమా సంక్రాంతి బాక్సాఫీస్ చరిత్రలో హనుమాన్ సృష్టించిన రికార్డ్ ఫస్ట్ ప్లేస్ లో ఉండటం అందరినీ ఆశ్చర్యపరుస్తోంది. పెద్దగా ఎవరూ పట్టించు కోని స్థితిలో రిలీజైన హనుమాన్ సినిమా స్టార్ హీరోలతో పోటీలో విన్నర్ గా ఎమర్జ్ అయ్యింది.

మొదటి రోజు నుంచే క్లీన్ హిట్ టాక్ సొంతం చేసుకున్న హనుమాన్ బిజినెస్ ఇప్పటికి క్లోజ్ అయ్యింది. మొదటి వారంలో తక్కువ థియేటర్లో రిలీజ్ అయిన ఈ సినిమా... మూడో రోజు నుంచి థియేటర్స్ కౌంట్ పెంచుకోని సాలిడ్ కలెక్షన్స్ ని రాబట్టింది. డైరెక్టర్ ప్రశాంత్ వర్మ, హీరో తేజ సజ్జా ఈ రేంజ్ హిట్ ఊహించి ఉండరు. అమలాపురం టు అమెరికా వరకు హనుమాన్ పై కాసుల వర్షం కురుసింది.

ట్రేడ్ వర్గాల నుంచి అందుతున్న సమాచారం మేరకు నైజాంలో, ఈ చిత్రం 64 కోట్ల గ్రాస్ వసూలు చేసింది. ఆంధ్రప్రదేశ్లో ఈ సినిమా 82 కోట్ల గ్రాస్ వసూలు చేసింది. కర్ణాటకలో 24 కోట్ల గ్రాస్. కేరళ తమిళనాడులో కలిపి దాదాపు 4 కోట్ల గ్రాసన్ను సొంతం చేసుకుంది. నార్త్ ఇండియాలో ఈ సినిమా 62 కోట్ల గ్రాస్ వసూలు చేసింది.

ఈ సినిమా 237 కోట్ల గ్రాస్ వసూలు చేయగా, ఓవర్సీస్ లో 57 కోట్ల గ్రాస్ వసూలు చేసింది. హనుమాన్ ప్రపంచ వ్యాప్తంగా క్లోజింగ్ గ్రాస్ రూ. 294 కోట్లని చెప్పుకోవచ్చు. ఈ సినిమా టాలీవుడ్ లో టాప్ గ్రాసర్స్ లో ఒకటిగా నిలిచింది.