Prabhas Movie : ప్రభాస్ సినిమా కోసం అంత రెమ్యూనరేషనా?

బాలీవుడ్ లో దూసుకుపోతున్న నటీమణి దీపికా పదుకొణె. ప్రభాస్, దీపికా కలిసి నటించిన కల్కి 2898 ఏడీ సినిమా పాన్ ఇండియా స్థాయిలో ఘన విజయం సాధించిన విషయం తెలిసిందే. వీరిద్దరి కాంబినేషన్ లో స్పిరిట్ అనే మూవీ రాబోతోందని తెలుస్తోంది. ఈ మూవీ గురించి ఓ రేంజ్లో చర్చలు జరుగుతున్నాయి. ముఖ్యంగా సందీప్ రెడ్డి దర్శకత్వం వహించనుండటంతో ఏ రేంజ్లో సినిమా ఉండబోతుందా అని అంచనాలు పెరిగిపోతున్నాయి. ‘యానిమల్' మూవీ లోసందీప్ డైరెక్షన్ కి వందకి వంద మార్కులు పడ్డాయి. రణ్ బీర్ చూపించిన విధానం కి ప్రేక్షకులు ఫిదా అయ్యారు.అలాంటి ప్రభాస్ ను ఎలా చూపించబోతున్నాడనే చర్చయితే ఉంది. ప్రస్తుతం ఈ సినిమా స్క్రిప్ట్ పనులు జరుగుతున్నాయి. ఏక్షణమైనా ఈ సినిమా పట్టాలెక్కే అవకాశం ఉంది. ఈ మూవీలో హీరోయిన్గా మృణాల్ ఠాకూర్, అలియాభట్, రష్మిక మందన్నతో పాటు పలువురు పేర్లు వినిపించినా ఎవరినీ ఖరారు చేయలేదు. తాజాగా దీపికా పడుకొణే పేరు తెరపైకి వచ్చింది. ఈ సినిమా కోసం ఆమె రూ.20కోట్ల భారీ పారితోషికాన్ని డిమాండ్ చేసిందని, మేకర్స్ కూడా అంతమొత్తం ఇవ్వడానికి సిద్ధంగా ఉన్నారని వార్తలు వస్తున్నాయి. అయితే ఈ విషయంలో అధికారిక ప్రకటన రావాల్సి ఉంది.