Kannappa Remuneration : కన్నప్పు వీళ్లిద్దరి రెమ్యూనరేషన్ జీరో!
పాన్ ఇండియా స్టార్ హీరో డార్లింగ్ ప్రభాస్ రెమ్యూనరేషన్ జీరో అయ్యింది. అంతే కాదండోయ్ మళయాల నటుడు మోహన్ లాల్ ది కూడా అదే పరిస్థితి. ఏమిటీ ఈ స్టార్ హీరోలు అసలు రెమ్యూనరేషన్ తీసుకోవడం లేదా..? అనే ప్రశ్న సహజం అయితే వీళ్లిద్దరూ మంచు విష్ణు డ్రీమ్ ప్రాజెక్టుగా వస్తున్న కన్న ప్ప సినిమాలో నటిస్తున్నారు. ఈ సినిమా కోసం వీళ్లిద్దరూ రూపాయి కూడా తీసుకోలేదని స్వయంగా మంచు విష్ణు వెల్లడించడం గమనార్హం. ఈ ఏడాది వేసవి కానుకగా ఏప్రిల్ 25న ప్రపంచవ్యాప్తంగా విడుదల కానుంది. ఈ చిత్రంలో ఇండస్ట్రీలోని అగ్రనటీనటులు కీలక పాత్రలు పోషించిన విషయం తెలిసిందే. తాజాగా ఓ ఆంగ్ల మీడియాకు ఇచ్చిన ఇంటర్వ్యూలో విష్ణు పలు ఆసక్తికర విషయాలు పంచుకున్నారు. ఏడు సంవత్సరాల నుంచి ఈ ప్రా జెక్ట్ కోసం పని చేస్తున్నట్లు వెల్లడించారు. సుమారు రూ.140 కోట్లతో ఈ మూవీ రూపుదిద్దకుంటోంది. మోహన్ లాల్ ఒక గిరిజన నాయకుడి పాత్రలో నటిస్తున్నాడు. డార్లింగ్ హీరో ప్రభాస్ రుద్ర పాత్రలో కనిపించనున్నాడు. మహాకవి ధూర్జటి రాసిన శ్రీకాళహస్తీశ్వర మహత్యంలోని భక్త కన్నప్ప చరిత్రను స్ఫూర్తిగా తీసుకొని 'కన్నప్ప' చిత్రాన్ని రూపొంది స్తున్నారు.