మహరాజాతో పాటు.. మరో టైటిల్ లాక్ చేసిన మహేశ్- రాజమౌళి!

మహేష్ బాబు, డైరెక్టర్ రాజమౌళి మూవీ ప్రి ప్రొడక్షన్ కంప్లీషన్ లో ఉంది. త్వరలోనే దీనిపై అఫీషియల్ స్టేట్ మంట్ రానుంది. ఈ మూవీకి సంబంధించి లేటెస్ట్ గా టైటిల్ ఇదే అంటూ వార్తలు వస్తున్నాయి. రెండు టైటిల్స్ కూడా లాక్ చేసినట్టు సమాచారం.

అందరి అంచనాలకు మించి రాజమౌళి ఈ సినిమా కథను సిద్ధం చేసినట్లు సమాచారం. కథను విజయేంద్ర ప్రసాద్ అందించారు. ఈ మూవీ ఫారెస్ట్ అడ్వెంచర్ స్టోరీతో రాబోతుందని ఇప్పటికే బయటకొచ్చిన కాన్ఫిడెన్షియల్ సోర్స్ తో తెలిసిపోయింది. త్వరలోనే ఈ సినిమా షూటింగ్ ను కూడా ప్రారంభిస్తారని తెలుస్తోంది. అయితే, ఇప్పుడు ఈ సినిమాకు ఏ టైటిల్ ను ఫిక్స్ చేస్తారు అనే దానిపైన ప్రస్తుతం డిస్కషన్స్ జరుగుతున్నాయి.

మహారాజా లేదా చక్రవర్తి అనే టైటిల్స్ ను మహేశ్, రాజమౌళి మూవీకోసం లాక్ చేసినట్టు తెలుస్తోంది. ఏ టైటిల్ పెట్టినా ప్యాన్ ఇండియా గా ఉండేట్టు చూస్తున్నారట. అన్ని భాషలకు సెట్ అయ్యేలా ఉంటుందన్న కారణంతో .. ఈ రెండిటిలో ఎదో ఒక టైటిల్ ను ఫిక్స్ చేయనున్నారని సమాచారం. మహేశ్ బాబు గుంటూరు కారం థియేటర్ కంటే ఓటీటీలో మంచి టాక్ తో ట్రెండింగ్ లో ఉంది. మూవీ ఇప్పటికే నెట్ ఫ్లిక్స్ టాప్ టెన్ లో స్ట్రీమ్ అవుతోంది.