Nani's New Movie : నాని కొత్త సినిమా.. ఫస్ట్ సాంగ్ వస్తోంది..!

నేచురల్ స్టార్ నాని ( Natural Star Nani ) తన అప్ కమింగ్ పాన్ ఇండియా ఫిల్మ్ 'సరిపోదా శనివారం'. ఈ మూవీలో సూర్య పాత్రలో మునుపెన్నడూ చూడని ఇంటెన్స్ పవర్-ప్యాక్డ్ క్యారెక్టర్లో కనిపించనున్నారు. వివేక్ ఆత్రేయ దర్శకత్వం వహిస్తున్న ఈ యూనిక్ అడ్వంచర్ ని హై బడ్జెట్ తో డివివి ఎంటర్టైన్ మెంట్ బ్యానర్ పై డివివి దానయ్య, కళ్యాణ్ దాసరి నిర్మిస్తున్నారు.

ప్రస్తుతం సినిమా షూటింగ్ శరవేగంగా జరుగుతోంది. తాజాగా మూవీ టీం మ్యూజిక్ ప్రమోషన్స్ ను స్టార్ట్ చేసింది. సరిపోదా శనివారం ఫస్ట్ సింగిల్ జూన్ 15 రిలీజ్ చేస్తున్నట్లు మేకర్స్ అనౌన్స్ చేశారు. జేక్స్ బిజోయ్ ఈ సినిమా కోసం ఇచ్చిన ఆల్బమ్ బాగుందన్నారు మేకర్స్. మేకర్స్ రిలీజ్ చేసిన అనౌన్స్ మెంట్ వీడియో ట్రెండింగ్ లో ఉంది. నాని స్లో మోషన్లో నడుచుకుంటూ వచ్చి క్లాత్ ను తొలగిస్తాడు. టేప్ రికార్డ్ రివిల్ కావడం, పవర్ ప్యాక్డ్ మ్యూజిక్ వినిపించడం చాలా క్రియేటివ్, ఇంట్రస్టింగ్ గా చూపించారు.

ఆగస్టు 29న తెలుగు, తమిళం, కన్నడ, మలయాళం, హిందీ భాషల్లో విడుదల కానుంది ఈ మూవీ.