Raviteja 75th Movie Update : వచ్చే సంక్రాంతికి రవితేజ-75 సినిమా రిలీజ్

ఉగాది సందర్భంగా మాస్ మహారాజా రవితేజ (Raviteja) నటించబోయే కొత్త సినిమాకు సంబంధించిన అప్డేట్ వచ్చేసింది. రవితేజ 75వ సినిమాను భాను బోగవరపు తెరకెక్కించనున్నట్లు నిర్మాత నాగవంశీ ప్రకటించారు. ‘వచ్చే సంక్రాంతికి రవన్న దావత్ ఇస్తుండు… రెడీ అయిపొండ్రి’ అంటూ ఆయన ఓ పోస్టర్‌ను రిలీజ్ చేశారు.

ఫుల్ టూ కామెడీ, డాన్స్, యాక్షన్ సీన్స్‌తో అదరగొడతామని నాగవంశీ ఫ్యాన్స్‌కు హామీ ఇచ్చారు. అనౌన్స్‌మెంట్ పోస్టర్ చూస్తేనే, ఈ సినిమా 'దావత్'లా ఉండబోతుందనే అభిప్రాయం కలుగుతోంది. కాగా ఇప్పటికే సంక్రాంతి 2025కి చిరంజీవి, వెంకటేష్, నాగార్జున, దిల్ రాజు కూడా వాళ్ళ సినిమాలని అనౌన్స్ చేశారు.

రవితేజకు ధమాకా సినిమా తర్వాత ఆ రేంజ్ హిట్ మళ్ళీ పడలేదు. ఇటీవల వచ్చిన ఈగల్ సినిమా యావరేజ్ గా నిలిచింది. ప్రస్తుతం రవితేజ హరీష్ శంకర్ దర్శకత్వంలో మిస్టర్ బచ్చన్ సినిమా చేస్తున్నాడు. ఈ సినిమా ఈ సంవత్సరం రిలీజయిపోతుంది. ఆ తర్వాత అనుదీప్ దర్శకత్వంలో ఒక సినిమా ఉంది.