Samantha : సమంత హవా.. యూట్యూబ్లో అత్యంత వేగంగా 20 కోట్ల వ్యూస్
ఓ తెలుగు సినిమా పాట ఇంకా యూట్యూబ్ లో దుమ్ములేపుతూనే ఉంది. పుష్ప ద రైజ్ సినిమాలో సమంత చేసిన ఐటమ్ సాంగ్.. అప్పట్లోనే ఓ యూట్యూబ్ లో భూకంపం పుట్టింది. రిలీజైన 68 రోజుల్లోనే యూట్యూబ్లో ఆ పాటకు 20 కోట్లకుపైగా వ్యూస్ వచ్చాయి. 'ఊ అంటావా? ఉఊ అంటావా' సాంగ్ మ్యూజిక్ వింటూ అందరూ ఎంతో ఎంజాయ్ చేశారు. యూట్యూబ్లో ఇంత తక్కువ టైంలో ఇన్ని భారీ వ్యూస్ సాధించిన ఏకైక సాంగ్‌గా 'ఊ అంటావా? ఉఊ అంటావా' రికార్డు పుటల్లోకి ఎక్కింది.
ఈ సాంగ్లో స్టార్ హీరోయిన్ సమంత స్పెషల్ అప్పియరెన్స్ ఆడియన్స్ కు బాగా నచ్చింది. తక్కువ రోజుల్లో ఎక్కువ వ్యూస్ సాధించిన పాటగా పుష్ప ఐటమ్ నంబర్ టాప్ లో నిలిచింది. మహేశ్ బాబు- శ్రీలీల సూపర్ హిట్ మూవీ ‘గుంటూరు కారం’ సినిమాలోని ‘కుర్చీ మడతపెట్టి’ సాంగ్ 78 రోజుల్లోనే 20 కోట్ల వ్యూస్‌ను సాధించి ఈ లిస్టులో రెండో స్థానంలో నిలిచింది.
బన్నీ- పూజా హెగ్డే కాంబినేషన్‌లో ఉండే 'బుట్టబొమ్మ బుట్టబొమ్మ' సాంగ్ 95 రోజుల్లో 20 కోట్లకు పైగా వ్యూస్‌ను సాధించింది. కొరియోగ్రఫీ, టేకింగ్ హైలైట్ గా ఉండే ఈ పాట ప్రపంచవ్యాప్తంగా క్రేజ్ సంపాదించుకోవడం విశేషం. యూట్యూబ్ యూజర్స్ పెరిగిపోవడం, ఇంటర్నెట్ అందరికీ అందుబాటులోకి వస్తుండటం.. స్మార్ట్ ఫోన్ల వినియోగం పెరిగిపోవడంతో త్వరలోనే పుష్ప2లో పాటలు ఈ రికార్డులన్నీ చెరిపేస్తాయన్న చర్చ జరుగుతోంది.
