దారుణం : 8 ఏళ్ల చిన్నారిపై అఘాయిత్యం

లక్నోలో (Lucknow) ఓ ఎనిమిదేళ్ల కుమార్తెపై సామూహిక అత్యాచారం చేసిన కేసులో యూపీ పోలీసులు (UP Police) ఒక మహిళ, ఆమె ప్రేమికుడిని అరెస్టు చేసినట్లు అధికారులు తెలిపారు. మదర్సాలో బోధించే ఇద్దరు వ్యక్తులు తన ఎనిమిదేళ్ల కుమార్తెపై అత్యాచారం చేశారని ఆరోపిస్తూ ఒక వ్యక్తి కొద్ది రోజుల క్రితం మలిహాబాద్ పోలీస్ స్టేషన్‌లో ఫిర్యాదు చేసినట్లు డిప్యూటీ కమిషనర్ ఆఫ్ పోలీస్ (వెస్ట్) విశ్వజీత్ శ్రీవాస్తవ తెలిపారు.

ఇద్దరు నిందితులను మహ్మద్ అబేదీన్, అతని సోదరుడు మహ్మద్ అర్షద్‌గా గుర్తించినట్లు అధికారులు తెలిపారు. బాధితురాలి తండ్రి గల్ఫ్ దేశంలో పనిచేస్తున్నారని, ఎనిమిది నెలల క్రితం ఇండియా నుంచి వెళ్లిపోయారని చెప్పారు. బాధితురాలి తండ్రి దేశం విడిచి వెళ్లిన తర్వాత ఆమె తల్లి అబెదిన్‌తో సంబంధం పెట్టుకుందని శ్రీవాస్తవ తెలిపారు. ఇద్దరు నిందితులు తన కూతురిపై అత్యాచారానికి పాల్పడ్డారని మహిళకు తెలిసిందని ఆయన తెలిపారు.

బాధితురాలి తండ్రి ఇంటికి తిరిగి వచ్చిన తర్వాత తన కుమార్తెకు జరిగిన బాధ గురించి తెలుసుకుని వెంటనే పోలీసులను ఆశ్రయించారని అధికారులు తెలిపారు. ఫిర్యాదు ఆధారంగా, పోలీసులు నిందితులపై భారతీయ శిక్షాస్మృతి (IPC) సెక్షన్ 376D (గ్యాంగ్ రేప్), లైంగిక నేరాల నుండి పిల్లల రక్షణ (POCSO) చట్టంలోని నిబంధనల ప్రకారం ఎఫ్ఐఆర్ నమోదు చేశారు. ఐపీసీ సెక్షన్ 34 (సాధారణ ఉద్దేశం) కింద పోలీసులు అబేదీన్‌తో పాటు బాధితురాలి తల్లిని అరెస్టు చేసినట్లు డీసీపీ తెలిపారు. "పరారీలో ఉన్న అర్షద్‌ను అరెస్టు చేయడానికి మా బృందాలు ప్రయత్నిస్తున్నాయి" అని అధికారి చెప్పారు.