TTD : టీటీడీపై సీఎం చంద్రబాబు ప్రశంసలు

కలియుగ ప్రత్యక్ష దైవం తిరుమల శ్రీ వెంకటేశ్వరుని బ్రహ్మోత్సవాలు అంగరంగ వైభవంగా ముగిశాయి. ఈ ఉత్సవాలకు పెద్ద సంఖ్యలో భక్తులు తరలివచ్చి శ్రీవారిని దర్శించుకుని పునీతులయ్యారు. బ్రహ్మోత్సవాల నిర్వహణ అద్భుతంగా ఉందని ముఖ్యమంత్రి చంద్రబాబు నాయుడు కొనియాడారు. ఈ మేరకు ఆయన సోషల్ మీడియా వేదికగా టీటీడీపై ప్రశంసలు కురిపించారు.

గరుడ సేవ నిర్వహణపై ప్రత్యేక అభినందన

చంద్రబాబు నాయుడు బ్రహ్మోత్సవాల్లో అత్యంత విశిష్టమైన గరుడ సేవ నిర్వహణను ప్రత్యేకంగా ప్రస్తావించారు. "శ్రీవారి బ్రహ్మోత్సవాల్లో అత్యంత విశిష్టమైన శ్రీ మలయప్ప స్వామి వారి గరుడ వాహన సేవ కార్యక్రమాన్ని అద్భుతంగా నిర్వహించిన టీటీడీకి అభినందనలు" అని ట్వీట్ చేశారు. ఆదివారం నాడు జరిగిన ఈ పరమ పవిత్ర గరుడ వాహన సేవలో దేశ విదేశాల నుంచి 3 లక్షల మందికిపైగా భక్తులు పాల్గొన్నారని, వారికి మెరుగైన సౌకర్యాలు కల్పించి మంచి అనుభూతిని మిగిల్చారని సీఎం కొనియాడారు.

సమన్వయానికి ధన్యవాదాలు బ్రహ్మోత్సవాలను వైభవంగా నిర్వహించడంలో కీలక పాత్ర పోషించి, సమన్వయంతో వ్యవహరించిన ప్రతి ఒక్కరికీ సీఎం చంద్రబాబు ధన్యవాదాలు తెలిపారు.

ఈ సందర్భంగా ఆయన అభినందనలు తెలిపిన వారిలో:

1. టీటీడీ బోర్డు

2. దేవస్థానం అధికారులు, ఉద్యోగులు

3. శ్రీవారి సేవకులు

4. జిల్లా అడ్మినిస్ట్రేషన్

5. జిల్లా పోలీసు ఉన్నతాధికారులు మరియు సిబ్బంది

చివరగా.. "తిరుమల కొండ పవిత్రతను కాపాడుతూ బ్రహ్మోత్సవాల్లో పాల్గొని తరించిన భక్త కోటికి ధన్యవాదాలు అంటూ సీఎం చంద్రబాబు నాయుడు తన ట్వీట్‌ చేశారు.