Anant Ambani : రాజకీయాల్లోకి ఎంట్రీపై అనంత్ అంబానీ క్లారిటీ
Anant Ambani : జామ్‌నగర్‌లో కాబోయే భార్య రాధిక మర్చంట్‌తో తన ప్రీ వెడ్డింగ్ వేడుకలను నిర్వహించేందుకు సిద్ధంగా ఉన్న అనంత్ అంబానీ, తన కుటుంబం 'సనాతన ధర్మాన్ని' అనుసరిస్తుందని, తనకు రాజకీయాలపై అస్సలు ఆసక్తి లేదని చెప్పారు. అనంత్, ముఖేష్ అంబానీ, నీతా అంబానీల చిన్న కుమారుడు, కుటుంబ వ్యాపారానికి వారసుడు. ప్రస్తుతం ఆయన రిలయన్స్ ఇండస్ట్రీస్ బోర్డులలో డైరెక్టర్‌గా పనిచేస్తున్నారు.
ఉత్సవాలకు ముందు, అంబానీ వారసత్వం, కుటుంబం మతపరమైన, ఆధ్యాత్మిక ఒరవడి గురించి తన భావాలను చర్చిస్తూ 'జబ్ వి మెట్' ప్రత్యేక ఎపిసోడ్‌లో అనంత్ ప్రత్యేకంగా మాట్లాడారు. ప్రత్యేక సంభాషణలో, అనంత్ వారసత్వంపై తన దృక్పథాన్ని వ్యక్తం చేశాడు. అతను ఎటువంటి ఒత్తిడిని అనుభవించనని పేర్కొన్నాడు. “ఒత్తిడి అస్సలు లేదు. అలాంటి కుటుంబంలో పుట్టడం నా అదృష్టంగా భావిస్తున్నాను. నాకే కాకుండా చాలా మందికి మంచి పని చేయడానికి, భారతదేశంలో పరిశ్రమలను సృష్టించడానికి స్ఫూర్తినిచ్చిన మా నాన్నను నా తండ్రిగా గుర్తించడం నాకు చాలా గొప్ప విషయం. మా నాన్న, మా తాత రిలయన్స్‌ను మరింత ఎత్తుకు తీసుకెళ్లారు. నా తండ్రి దృష్టిని అమలు చేయడంలో నా సోదరుడు, నేను, నా సోదరి కర్తవ్యంగా భావిస్తున్నాం" అని ఆయన అన్నారు.
ప్రపంచ స్థాయిలో వ్యాపార కుటుంబమే కాకుండా, వారు లోతైన మతపరమైన, ఆధ్యాత్మికత, సనాతన ధర్మానికి కట్టుబడి ఉన్నారని అనంత్ హైలైట్ చేశారు. “నా కుటుంబంలో అందరూ మతస్థులే. నా సోదరుడు పెద్ద శివభక్తుడు. మా నాన్న వినాయకుడిని పూజిస్తారు. మా అమ్మ నవరాత్రులలో తొమ్మిది రోజులు ఉపవాసం ఉంటుంది. మా అమ్మమ్మ కూడా శ్రీనాథ్ జీకి భక్తురాలు. మా కుటుంబంలో అందరూ భగవంతునికి అంకితభావంతో ఉన్నారు. మనకున్నదంతా ఆయన ద్వారానే వచ్చింది. దేవుడు ప్రతిచోటా, నాలో, మీలో ఉన్నాడని మేము నమ్ముతున్నాము. నా కుటుంబం అంతా సనాతన ధర్మాన్ని అనుసరిస్తుందన్నారు. అనంత్‌కు రాజకీయాల్లోకి రావడానికి ఆసక్తి ఉందా అని అడిగినప్పుడు, "రాజకీయాలపై ఆసక్తి లేదు" అని వెంటనే స్పందించారు.