Healthy Food : తోలులోనూ పోషకాలు... అవి ఏవంటే...

కొన్ని కూరగాయలు, పండ్లను తొక్కు తీయకుండానే తినాలి. తొక్కులో ఉండే పోషకాలను నష్టపోకుండా ఉండడం కోసం వాటిని తొక్కుతో సహా తినడం అలవాటు చేసుకోవాలి. ఇంతకూ ఆ పండ్లు, కూరగాయలు ఏవంటే...

జుకిని:

సలాడ్‌ కోసం ఉపయోగించే జుకిని తొక్కలో యాంటీఆక్సిడెంట్లు, పీచు పుష్కలంగా ఉంటాయి. కాబట్టి పచ్చిగా తినాలనుకున్నా, ఉడికించాలనుకున్నా దీన్ని అలాగే నేరుగా వాడుకోవాలి.

పియర్స్‌, యాపిల్స్‌:

ఈ పండ్ల తొక్కల్లో పీచు, యాంటీఆక్సిడెంట్లు ఎక్కువ. కాబట్టి వీటిని కూడా శుభ్రంగా కడిగి, అలాగే తినేయాలి.

క్యారెట్లు, బంగాళాదుంపలు:

వీటి తొక్కులో పొటాషియం, పీచు ఉంటాయి. కాబట్టి వీటిని బాగా శుభ్రం చేసి అలాగే వండుకోవాలి.

కీరా:

కీరాలో తోలులో పీచు, విటమిన్‌ కె, ఖనిజ లవణాలు ఉంటాయి. కాబట్టి కీరాను తోలు తీయకుండానే తినాలి.