Weight Loss : వెయిట్ తగ్గాలని ఈ పనులు చేశారో.. అంతే సంగతులు
అధిక బరువు అనేది వందలో డెబ్బై మంది సమస్య. కాబట్టి.. దీన్ని చాలా జాగ్రత్తగా డీల్ చేయండి. కష్టపడకుండా పెరిగిన కొవ్వు.. తగ్గేందుకు కూడా అంతే ఓపిగ్గా ప్రయత్నాలు చేయండి. జీవనశైలిలో మార్పులు, ఆహారపు అలవాట్లు, ఇతర ఆరోగ్య సమస్యలే ఊబకాయానికి ప్రధాన కారణమని తెలుస్తోంది. అధిక బరువు ఉన్నవారు ఈ సమస్య నుంచి బయటపడేందుకు అనేక ప్రయత్నాలు చేస్తుంటారు.
ప్రత్యేకమైన ఆహారం, కొన్ని మందులు తీసుకోవడం, శిక్షణ.. ఇలా తమకు నచ్చిన పద్ధతులను అనుసరిస్తారు. కొందరు రాత్రి భోజనాన్ని మానేస్తారు. అయితే ఇది చాలా ప్రమాదకరమని వైద్యులు చెబుతున్నారు. రాత్రి భోజనం శరీరానికి చాలా ముఖ్యం. పడుకునే ముందు శరీరానికి ముఖ్యమైన కేలరీలు, పోషకాలను అందిస్తుంది. 24 గంటల కాలచక్రంలో శరీరం ఎక్కువ సమయం తినకుండా నిద్రపోతుంది. కాబట్టి రాత్రి భోజనం చాలా ముఖ్యం.
బరువుకు చెక్ పెట్టాలన్న ఉద్దేశంతో చాలామంది డిన్నర్ చేయకుండా ఉంటున్నారు. ఇది చాలా డేంజర్. దీర్ఘకాలంలో ఇది మీ ఆరోగ్యానికి మంచిది కాదు. ఈ అలవాటు వల్ల రకరకాల అనారోగ్య సమస్యలు వస్తాయని వైద్యులు హెచ్చరిస్తున్నారు. మొత్తం ఆరోగ్యంపై ప్రతికూల ప్రభావాన్ని చూపుతుంది. ఎందుకంటే రాత్రి భోజనం మానేయడం మీ జీవక్రియను ప్రభావితం చేస్తుంది. నిద్రలేమి సమస్య రావొచ్చు.