TS : రామరాజ్యం దిశగా భారత్ : రాజ్‌నాథ్‌ సింగ్
రానున్న ఐదేళ్లు భారతదేశానికి అత్యంత కీలకమన్నారు రక్షణ శాఖ మంత్రి రాజ్ నాథ్ సింగ్. భారతదేశం 'రామరాజ్యం' కోసం సిద్ధంగా ఉందని శుక్రవారం హైదరాబాద్ లో అన్నారు. సికింద్రాబాద్ లోక్‌సభ స్థానానికి కిషన్ రెడ్డి నామినేషన్ పత్రాలను దాఖలు చేయడానికి ముందు మహబూబ్ కళాశాలలో జరిగిన బహిరంగ సభలో రాజ్‌నాథ్‌ సింగ్ మాట్లాడారు.
బీజేపీ ఎటువంటి బుజ్జగింపు రాజకీయాలను అవలంబించలేదని, ఏ వర్గం పట్ల వివక్ష చూపలేదని అన్నారు రాజ్ నాథ్ సింగ్. ఐదు గల్ఫ్ దేశాలు ప్రధాని నరేంద్ర మోదీని తమ అత్యున్నత రాష్ట్ర అవార్డులతో సత్కరించడమే ఇందుకు నిదర్శనమని ఆయన అన్నారు. వేగంగా అభివృద్ధి చెందుతున్న ఆర్థిక వ్యవస్థగా భారత్ 2027 నాటికి మూడో అతిపెద్ద ఆర్థిక వ్యవస్థగా అవతరించనుందని ఆయన అన్నారు.
ఉజ్జయిని మహంకాళి ఆలయం నుండి ప్రారంభమైన ర్యాలీలో పెద్ద సంఖ్యలో MRPS కార్యకర్తలు, దాదాపు బిజెపి క్యాడర్ కంటే ఎక్కువ సంఖ్యలో పాల్గొన్నారు. ర్యాలీలో పాల్గొని నామినేషన్ పత్రాలను దాఖలు చేయడానికి ముందు కిషన్ రెడ్డి పూజలు చేశారు.
