Tesla Enters India : మోడీ ఎఫెక్ట్.. ఇండియాలోకి టెస్లా ఎంట్రీ.. నియామకాలు మొదలు

ప్రపంచ కుబేరుడు ఎలాన్ మస్క చెందిన స్లా కంపెనీ ఇండియాలోకి ఎంట్రీ ఇవ్వనుంది. ఈ మేరకు ఉద్యోగ నియామకాలు చేపట్టడానికి ప్రకటన చేసింది. పలు పోస్టులకు నోటిఫికేషన్ రిలీజ్ చేసింది. టెస్లా తన లింక్డ్ఇన్ పేజీ లో కస్టమర్ ఫేసింగ్ పోస్టులతో పాటు బ్యాక్ ఎండ్ పోస్టులకు సంబంధించి 13 పోస్టులు ప్రకటించింది. ఆ పోస్టుల వివరాలు ఇలా ఉన్నాయి. ఇన్సైడ్ సేల్స్ అడ్వైజర్, కస్టమర్ సపోర్ట్ సూపర్వైజర్, కస్టమర్ సపోర్ట్ స్పెషలిస్ట్ సేవా సలహాదారు, ఆర్డర్ ఆపరేషన్స్ స్పెషలిస్ట్ సర్వీస్ మేనేజర్, టెస్లా అడ్వెజర్, విడిభాగాల సలహాదారు, వ్యాపార కార్యకలాపాల విశ్లేషకుడు, స్టోర్ మేనేజర్, సర్వీస్ టెక్నీషియన్ తదితర పోస్టులున్నాయి. అయితే టెస్లా తొలుత తన కార్యకలాపాలను మొదట ముంబై, ఢిల్లీలో ప్రారంభించనుంది.

ప్రపంచంలోనే అతిపెద్ద ఎలక్ట్రిక్ వాహనాల తయారీ సంస్థ అయిన టెస్లా... ఎప్పటి నుంచో ఇండియన్ మార్కెట్ లోకి ప్రవేశించాలని చూస్తోంది. కానీ, కొన్ని ట్యాక్స్ సమ స్యల కారణంగా ఇంత కాలం భారత్లోకి టెస్లా రాక సాధ్యం కాలేదు. కానీ, తాజాగా అమెరికా పర్యటనకు వెళ్లిన మోడీతో ఎలాన్ మస్క్ భేటీ అయ్యారు. ఈ భేటీ తర్వాత టెస్లా ఇండి యాలో జాబ్ ఓపెన్సింగ్ ప్రకటించడంతో ఇక ఇండియన్ మార్కెట్లోకి టెస్లా రాకకు అన్ని అడ్డంకులు తొలగిపోయినట్లు అర్థం చేసుకోవచ్చు. అయితే భారత్లో ఎలక్ట్రిక్ కార్లపై అధిక దిగుమతి సుంకాలు ఉన్నందున టెస్లా ఇండియన్ మార్కెట్ లోకి గతంలో ప్రవేశించలేదు. అయితే 40వేల అమెరికన్ డాలర్ల కంటే ఎక్కువ ఖరీదైన కార్లపై ప్రైమరీ కస్టమ్స్ సుంకాన్ని 110 శాతం నుండి 70శాతానికి తగ్గించడంతో భారత మార్కెట్లోకి టెస్లా రంగ ప్రవేశానికి సిద్ధమైంది.