Neeta Amabani : స్వదేశీ ఉత్పత్తులపై దృష్టి.. కంచిపట్టు చీరలో నీతా అంబానీ
అనంత్ అంబానీ (Anant Ambani), రాధిక మర్చంట్ (Radhika Merchant) పెళ్లికి ముందు జరిగిన వేడుకలు చర్చనీయాంశమయ్యాయి. ఈ గ్రాండ్ సెలబ్రేషన్స్ నుండి స్టార్-స్టడెడ్ గెస్ట్ లిస్ట్‌ల వరకు, అంబానీ కుటుంబం దాన్ని గొప్ప వ్యవహారంగా మార్చడంలో ఎటువంటి అవకాశాన్ీ వదిలిపెట్టలేదు. ఏది ఏమైనప్పటికీ, అన్ని గ్లిట్జ్ అండ్ గ్లామర్ మధ్య, ఒక గుర్తించదగిన క్షణం ఉంది. అది ఇప్పుడు అందరి దృష్టిని ఆకర్షిస్తోంది. అదే నీతా అంబానీ ఎంపిక.
వరుడి తల్లిగా, ప్రీ-వెడ్డింగ్ ఈవెంట్ కోసం నీతా అంబానీ.. చేతితో తయారు చేసిన అందమైన 'కాంచీపురం' చీరను ధరించారు. అయితే స్థానికంగా తయారైన చేనేత చీరను ఎంచుకోవడం అనేది 'స్వదేశీ' విలువలను ప్రోత్సహించడాన్ని చాటి చెబుతోంది. ఇటీవలి కాలంలో, భారతదేశంలో దేశీయ చేనేత, సాంప్రదాయ నేతలను ప్రోత్సహించే ఉద్యమం పెరుగుతోంది.
ఇటీవల జామ్‌నగర్‌లోని రిలయన్స్ ఉద్యోగులందరికీ ముఖేష్, అతని భార్య నీతా అంబానీ ఏర్పాటు చేసిన విందుకు అంబానీ కుటుంబం మొత్తం హాజరయ్యారు. ఈ కార్యక్రమంలో నీతా అంబానీ కట్టుకున్న చీర సంప్రదాయ నేత కార్మికుల అందమైన సృష్టికి నిదర్శనంగా నిలుస్తోంది. ఇది స్వచ్ఛమైన కాంచీపురం పట్టుతో తయారు చేశారు. నీతా అంబానీ ఇంత హై-ప్రొఫైల్ ఈవెంట్‌లో చేనేత చీరను ధరించాలని నిర్ణయించుకోవడం 'స్వదేశీ' ఉద్యమానికి ఆమె మద్దతుకు స్పష్టమైన సూచనగా తోస్తోంది.
