Karnataka : కర్ణాటకలో సెక్స్ స్కాం రచ్చ.. రేవన్న పరార్
కర్ణాటకలో 2024 లోక్సభ ఎన్నికలు ఉత్కంఠగా మారాయి. కర్ణాటక సెక్స్ కుంభకోణం సంచలనం రేపుతోంది. జేడీఎస్ నేత, హసన్ ఎంపీ, మాజీ ప్రధానమంత్రి మంత్రి హెచ్డీ దేవేగౌడ మనవడు ప్రజ్వల్ రేవన్నపై వచ్చిన లైంగిక దాడి ఆరోపణలు సంచలనం సృష్టించాయి.
ఓ మహిళను ఆయన చాలా కాలం పాటు లైంగికంగా హింసించాడని ఆరోపణలు వెల్లువెత్తుతున్నాయి. ఇందుకు సంబంధించిన అశ్లీల దృశ్యాలు.. హసన్ జిల్లాలో సర్క్యులేట్ అవుతున్నాయి. ప్రజ్వల్ రేవన్న.. హెచ్డీ రేవన్న కుమారుడు. కర్ణాటక మాజీ సీఎం కుమారస్వామి.. రేవన్నకు బాబాయ్ వరుస అవుతారు.
వైరల్ వీడియోలో బాధితురాలు ప్రజ్వల్ రేవన్న ఇంట్లో పని చేసినట్టు తెలుస్తోంది. ఆమె ఫిర్యాదుతో.. రేవన్నపై పోలీసులు ఎఫ్ఐఆర్ నమోదు చేశారు. ప్రజ్వల్ రేవన్న అశ్లీల దృశ్యాలకు సంబంధించి.. పోలీసులు ఇప్పటికే కేసు నమోదు చేసుకోగా.. అధికారంలోని కాంగ్రెస్ ప్రభుత్వం.. దర్యాప్తు చేపట్టేందుకు సిట్ని నియమించింది. ఒకవేళ ప్రజ్వల్ రేవన్న దేశాన్ని విడిచిపెట్టి వెళ్లిపోతే.. ఆయన్ని వెనక్కి తీసుకొచ్చే బాధ్యత సిట్ టీమ్దే అని కుమారస్వామి తెలిపారు. జేడీఎస్ మిత్రపక్షం ఈ విషయంలో సైలెంట్ గా ఉంది.