IndiGo Flight : ఇండిగో ఫ్లైట్ లో నితిన్ గడ్కరీకి వింత అనుభవం
ఫిబ్రవరి 20న నాగ్‌పూర్ నుండి ఢిల్లీకి బయలుదేరిన విమానంలో కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీకి (Nitin Gadkari) ప్రయాణీకులతో పాటు ఇండిగో పైలట్ ఘన స్వాగతం పలికారు. ఈ ప్రత్యేక క్షణానికి సంబంధించిన ఓ వీడియో వైరల్ కావడంతో అందరి దృష్టినీ ఆకర్షిస్తోంది.
ఈ వీడియోలో పైలట్ "మీరు విమానంలో రావడం చాలా ఆనందంగా ఉంది. నేను మీ కెప్టెన్‌ని. నాతో పాటు సిబ్బందిలో నా సహోద్యోగి శివేందర్ కూడా ఉన్నారు. మా కేంద్ర మంత్రి నితిన్ గడ్కరీని విమానంలో చేర్చుకోవడం గౌరవంగా భావిస్తున్నాను. మీకు స్వాగతం సర్" అని అన్నాడు. కిటికీ పక్కన ముందు వరుసలో కూర్చున్న నితిన్ గడ్కరీ, ఇండిగో పైలట్ తన గౌరవార్థం ప్రత్యేక ప్రకటన చేసినప్పుడు ఓ చిన్న చిరునవ్వుతో కనిపించాడు. విమానంలో ఉన్న ప్రయాణికులు కూడా చప్పట్లు కొడుతూ, అతన్ని ఉత్సాహపరుస్తూ కనిపించారు.
X లో వైరల్‌గా మారిన ఈ వీడియోను చూసిన తర్వాత సోషల్ మీడియా యూజర్స్ సంతోషించారు. “స్వాగతించడానికి ఇదే ఉత్తమ మార్గం. ఇది సిబ్బంది వినయపూర్వకమైన స్వభావాన్ని చూపుతుంది”అని ఒక యూజర్ చెప్పారు. గడ్కరీకి ప్రత్యేక స్వాగతం పలికినందుకు పలువురు పైలట్‌ను అభినందించారు.
