Trains Cancelled: వందేభారత్ సహా 22 రైళ్ల రద్దు

ఉత్తరాదిన వందే భారత్ తో సహా 22 రైళ్లు రద్దయ్యాయి. దాదాపు 18 రైళ్ల మార్గాలను మార్చారు. గురువారం నుంచి రూర్కీ రైల్వే స్టేషన్ లో నాన్ ఇంటర్ లాకింగ్ పనులు ప్రారంభం కావడంతో రైల్వే అదికారులు ఈ నిర్ణయం తీసుకున్నారు. ఈ పనులు వారం రోజులు జరుగుతాయి.

దాంతో హరిద్వార్, రిషికేశ్ కు ప్రయాణికులకు ఇబ్బందులు ఎదురుకానున్నాయి. ఉత్తరాఖండ్ లోని రూర్కీ నుంచి వెళ్లే వందే భారత్ ఎక్స్ ప్రెస్ జులై 1 నుంచి 3వ తేదీ వరకు రద్దయింది. అలాగే కొన్ని రైళ్లను ఏడు రోజులు, మరికొన్ని మూడు రోజుల పాటు రద్దు చేశారు.

రూర్కీలో వారం రోజుల పాటు నాన్ ఇంటర్ లాకింగ్ పనుల కారణంగా ఈ నిర్ణయం తీసుకున్నట్టు న్యూ ఢిల్లీ రైల్వే శాఖ తెలిపింది.