T20 World Cup 2024 : సూపర్-8కు దూసుకెళ్లిన అఫ్గాన్

టీ20 వరల్డ్ కప్‌లో అఫ్గానిస్థాన్ ( Afghanistan ) సూపర్-8కు దూసుకెళ్లింది. పపువా న్యూగినియాతో జరిగిన మ్యాచ్‌లో ఆ జట్టు 7 వికెట్ల తేడాతో నెగ్గింది. దీంతో ఆ జట్టు ఖాతాలో 6 పాయింట్లు చేరి సూపర్-8లో అడుగుపెట్టింది. 96 పరుగుల టార్గెట్‌ను అఫ్గాన్ 15.1 ఓవర్లలోనే ఛేదించింది. గుల్బదిన్ నాయబ్ (49) రాణించారు. అంతకుముందు ఫజల్లా ఫారూఖీ 3, నవీన్ ఉల్ హక్ 2 వికెట్లతో చెలరేగడంతో పపువా న్యూగినియా 95 పరుగులకే కుప్పకూలింది. దీంతో గ్రూప్-C నుంచి అఫ్గాన్‌తో పాటు విండీస్‌ తదుపరి దశకు చేరింది. న్యూజిలాండ్‌, ఉగాండా, పాపువా న్యూగినీ ఇంటిముఖం పట్టినట్లే. ఈ పొట్టి ప్రపంచకప్‌లో భారీ అంచనాలతో బరిలోకి దిగిన కివీస్‌ ఆడిన రెండు మ్యాచుల్లోనూ ఓడిపోయి లీగ్‌ దశలోనే వెనుదిరిగింది.