TG : సిటీ శివారు కంసన్ హైజెనిక్ ఫ్యాక్టరీలో అగ్నిప్రమాదం

రంగారెడ్డి జిల్లా నందిగామ మండల కేంద్రంలోని కంసన్ హైజెనిక్ పరిశ్రమలో అర్థరాత్రి భారీ అగ్నిప్రమాదం జరిగింది. పరిశ్రమలో నూతనంగా ఏర్పాటు చేసిన ఒక షెడ్డులో ఒక్కసారిగా భారీ మంటలు చెలరేగాయి. అందరూ చూస్తుండగానే క్షణాల్లో పూర్తిగా షెడ్డు నేల మట్టం అయిపోయింది. ఈ ప్రమాదంలో ఎవరికి ఎలాంటి ప్రాణనష్టం జరగలేదని స్థానికులు, ప్రత్యక్ష సాక్షులు తెలపడంతో అందరూ ఊపిరి పీల్చుకున్నారు. షార్ట్ సర్క్యూట్‌తోనే ఈ ప్రమాదం జరిగి ఉంటుందని భావిస్తున్నారు. సమాచారం అందుకున్న ఫైర్ సిబ్బంది హుటాహుటిన ఘటనా స్థలానికి చేరుకుని మంటలను అదుపు చేసేందుకు తీవ్రంగా శ్రమిస్తున్నారు. ఐదు ఫైర్ ఇంజిన్‌లతో మంటలను అదుపు చేసే ప్రయత్నం చేసినా మంటలు అదపులోకి రాలేదు. పరిశ్రమ పూర్తిగా అగ్నికి కాలిపోయింది.