PM Modi : నమో భారత్ రైలు క్రాసింగ్ వీడియో.. యూట్యూబర్ పై మోదీ ప్రశంసలు
నమో భారత్ రైలు తూర్పు పెరిఫెరల్ ఎక్స్‌ప్రెస్ వేను దాటుతున్నట్లు చూపించే వీడియోను పోస్ట్ చేసినందుకు సోషల్ మీడియా యూజర్ ను ప్రధాని నరేంద్ర మోదీ ప్రశంసించారు . గొప్ప వీడియో అని అన్నారు. అక్టోబర్ 2023లో ప్రాంతీయ రాపిడ్ ట్రాన్సిట్ సిస్టమ్ (RRTS) కింద ప్రధాన మంత్రి ప్రారంభించిన ప్రత్యేక హై-స్పీడ్ రైలు ప్రస్తుతం ఉత్తరప్రదేశ్‌లోని సాహిబాబాద్ నుండి దుహై డిపో వరకు 17 కి.మీ ప్రయాణిస్తోంది.
రైలు వీడియోను మార్చి 12న సాయంత్రం X సోషల్ మీడియా ప్లాట్‌ఫామ్‌లో 'డిటాక్స్ ట్రావెలర్' పేరుతో మోహిత్ కుమార్ అనే యూజర్ పోస్ట్ చేశారు. అతను ఈ వీడియోకు క్యాప్షన్ గా, "నమోభారత్ రైలు తూర్పు పెరిఫెరల్ ఎక్స్‌ప్రెస్‌వేని దాటుతున్న అద్భుతమైన దృశ్యం"అని రాశాడు. ఇది ఈస్టర్న్ పెరిఫెరల్ ఎక్స్‌ప్రెస్ వే హర్యానా, ఉత్తర ప్రదేశ్ గుండా వెళుతుంది.
కొన్ని గంటల తర్వాత, ప్రధానమంత్రి ఈ ట్వీట్‌ను రీపోస్ట్ చేసి, "గొప్ప వీడియో' మీ టైమ్‌లైన్ మనం కలిసి నిర్మిస్తున్న కొత్త భారతదేశం గురించి మంచి దృక్పథాన్ని ఇస్తుంది" అని అన్నారు. మోదీ తన పోస్ట్‌ను పంచుకున్న తర్వాత, మోహిత్ కుమార్ "సృజనకారులను అభినందించడమే కాకుండా ప్రోత్సహించినందుకు" ప్రధానికి ధన్యవాదాలు తెలిపారు.