TS : కవితతో ఆర్ఎస్‌పీ, బాల్క సుమన్ భేటీ
ఎమ్మెల్సీ కవితతో ములాఖత్ అయ్యారు బీఆర్ఎస్ నేతలు. ఢిల్లీ లిక్కర్ స్కాం కేసులో అరెస్టై తీహార్ జైలులో ఉన్న ఎమ్మెల్సీ కవితతో బీఆర్ఎస్ నేతలు శుక్రవారం ఉదయం ములాఖత్ అయ్యారు.
బీఆర్ఎస్ నాయకులు ఆర్ఎస్ ప్రవీణ్ కుమార్, మాజీ ఎమ్మెల్యే బాల్క సుమన్ కవితను జైలులోనే కలిశారు. రాష్ట్రంలో రాజకీయ పరిస్థితులు, లోక్‌సభ ఎన్నికల పోలింగ్ సరళి గురించి వారిని ఆమె అడిగి తెలుసుకున్నట్లుగా సమాచారం. అదేవిధంగా ఢిల్లీ సీఎం కేజ్రీవాల్‌కు బెయిల్ వచ్చిన విషయంపై వారి మధ్య చర్చకు వచ్చిననట్లుగా తెలుస్తోంది.
ఢిల్లీ లిక్కర్ స్కాం కేసులో కీలక నిందితురాలిగా కవితను మార్చి15న ఈడీ అరెస్ట్ చేసింది. అయితే, కేసులో తనకు బెయిల్ మంజూరు చేయాలని కవిత పిటిషన్ వేశారు. గురువారం ఆమె బెయిల్ పిటిషన్ విచారణను చేపట్టిన ఢిల్లీ హైకోర్టు మే 24కు వాయిదా వేసింది. సీబీఐ కేసులోనూ బెయిల్ మంజూరు చేయాలని ఢిల్లీ హైకోర్టులో మరో బెయిల్ పిటిషన్ దాఖలు చేశారు కవిత.
