TG : డిసెంబర్ 9న తెలంగాణ తల్లి విగ్రహావిష్కరణ

సీఎం రేవంత్ రెడ్డి మరో కీలక నిర్ణయం తీసుకున్నారు. తెలంగాణ రాష్ట్రంలో ప్రతీయేటా డిసెంబర్ 9న తెలంగాణ తల్లి ఉత్సవాలు జరపాలని ప్రభుత్వం నిర్ణయించింది. కాంగ్రెస్ పార్టీ ప్రభుత్వ పగ్గాలు చేపడుతూ ప్రమాణ స్వీకారం చేసిన రోజుతోపాటు, ఈ రోజుకు ప్రత్యేక రాష్ట్ర ఏర్పాటు ప్రకటన వెలువడిన రోజుగా, సోనియాగాంధీ పుట్టిన రోజుగా పలు విశిష్టతలున్నాయి.

ఈ నేపథ్యంలో తెలంగాణ తల్లి ఉత్సవాలు చేయాలని సీఎం రేవంత్ రెడ్డి నిర్ణయించారు. ఈ వేడుకలు సచివాలయంలోని అన్ని కార్యాలయాల్లో నిర్వహిస్తామని చెప్పారు. అదే రోజున తెలంగాణ తల్లి విగ్రహావిష్కరణ చేస్తామని.. విగ్రహాన్ని జాతికి అంకితం చేయనున్నట్లు స్పష్టం చేశారు. జిల్లా, మండల కేంద్రాలలోని అన్ని ప్రభుత్వ కార్యాలయాలలో జెండా ఎగురవేయాలని సూచించారు.