Railway Jobs : రైల్వేలో జాబ్స్.. నిరుద్యోగులకు గుడ్ న్యూస్
నిరుద్యోగులకు గుడ్ న్యూస్ తెలిపింది రైల్వే రిక్రూట్మెంట్ బోర్డు. ఆర్ఆర్బీ ఆర్పీఎఫ్ కానిస్టేబుల్, ఎస్ఐ రిక్రూట్మెంట్ 2024 దరఖాస్తు ప్రక్రియ సంబంధిత ఆర్ఆర్బీకి చెందిన అధికారిక వెబ్సైట్ లో ఏప్రిల్ 15న ప్రారంభమైంది.ఆర్పీఎఫ్ ఎస్ఐ, ఆర్పీఎఫ్ కానిస్టేబుల్ పోస్టులకు దరఖాస్తు చేసుకోవడానికి మే 14 వరకు గడువు ఉంది.
దరఖాస్తు ఫారం కరెక్షన్ విండో 2024 మే 15 నుంచి 24 వరకు అందుబాటులో ఉంటుంది. ఆర్ఆర్బీ ఆర్పీఎఫ్ ఎస్ఐ, కానిస్టేబుల్ రిక్రూట్మెంట్ 2024కు సంబంధించి వయోపరిమితి వివరాలు ఇలా ఉన్నాయి. కానిస్టేబుల్ (ఎగ్జిక్యూటివ్) పోస్టులు:- 2024 జూలై 1 నాటికి 18-28 ఏళ్ల మధ్య ఉండాలి. ఎస్ఐ పోస్టులు:- 2024 జూలై 1 నాటికి 20-28 ఏళ్ల మధ్య ఉండాలి.
కరోనా కారణంగా నిర్దేశిత పరిమితికి మించి.. వయోపరిమితిలో ఈసారి 3 సంవత్సరాల వన్ టైం రిలాక్సేషన్ ను ఇచ్చారు. రిజర్వ్ కేటగిరీ అభ్యర్థులకు గరిష్ట వయోపరిమితిలో మరింత సడలింపు వర్తిస్తుంది. విద్యార్హతలు వెబ్ సైట్ లో చూడొచ్చు. దరఖాస్తుదారులు తమ ఫారాలను ఆర్ఆర్బీల సంబంధిత వెబ్సైట్లలో సమర్పించాల్సి ఉంటుంది.
© Copyright 2024 : tv5news.in. All Rights Reserved. Powered by hocalwire.com