విశాఖలో విషాదం చోటుచేసుకుంది. 12 ఏళ్ల బాలుడి మృతి తట్టుకోలేక.. అతడి బాబాయ్‌ చిరంజీవి ఆత్మహత్య చేసుకున్నాడు. భీమిలి నియోజకవర్గం చిప్పాడ మండలానికి చెందిన బాలుడు భాను ప్రకాశ్‌కు చిరంజీవి బాబాయ్‌ అవుతాడు. ఇటీవల అనారోగ్యం కారణంగా భాను ప్రకాశ్‌ ఓ ప్రైవేటు ఆస్పత్రిలో జాయిన్‌ అయ్యాడు.. అనారోగ్యం తీవ్రం కావడంతో చికిత్స పొందుతూ మృతి చెందాడు. బాలుడి మృతిని జీర్ణించుకోలేకపోయిన బాబాయ్‌ చిరంజీవి మనస్తాపంతో ఐదంతస్తుల హాస్పిటల్‌ బిల్డింగ్‌పై నుంచి దూకి ఆత్మహత్య చేసుకున్నాడు..