నిజాయితీ అంటే ఇదే.. రూ. 18 లక్షలు ఉన్న ఏటీఎం కార్డును..
ఏటీఎం కార్డు పిన్‌ నెంబర్‌తో సహా పోగొట్టుకుంటే ఏం జరుగుతుంది? అందులో ఏకంగా 18 లక్షల రూపాయలు ఉంటే? ఏవరికైనా ఆ కార్డు దొరికితే క్షణాల్లో మన డబ్బు మాయం అయిపోతుంది.;
ఏటీఎం కార్డు పిన్‌ నెంబర్‌తో సహా పోగొట్టుకుంటే ఏం జరుగుతుంది? అందులో ఏకంగా 18 లక్షల రూపాయలు ఉంటే? ఏవరికైనా ఆ కార్డు దొరికితే క్షణాల్లో మన డబ్బు మాయం అయిపోతుంది. కానీ ఇలా జరగలేదు. తనకు దొరికిన ఏటిఎం కార్డును సేఫ్‌గా పోలీస్‌ స్టేషన్‌కు అప్పగించాడు ఓ వ్యక్తి. ఈ ఘటన విశాఖ జిల్లా కంచరపాలెంలో జరిగింది.
ఉదయ్‌ ఆనంద్‌ అనే వ్యక్తికి చెందిన ఏటీఎం కార్డు ప్రీతమ్‌ కుమార్‌ అనే యువకుడికి దొరింది. ఆ కార్డుపై పిన్‌ నెంబర్‌ కూడా ఉంది. అది పనిచేస్తుందో లేదో తెలుసుందామని చూస్తే ఆ అకౌంట్‌లో ఏకంగా 18 లక్షల రూపాయలు ఉన్నట్లు గుర్తించాడు ప్రీతమ్‌ కుమార్‌.
దీంతో ఆ కార్డును ఉదయ ఆనంద్‌కు ఇవ్వాలని నిర్ణయించుకున్న ప్రీతమ్‌ పోలీసులను ఆశ్రయించాడు. ఆ కార్డును వారికి అప్పగించాడు. దీంతో ఉదయ్‌ ఆనంద్‌ అడ్రస్‌కు తెలుసుకున్న పోలీసులు అతనిడికి ఏటీఎం కార్డు ఇచ్చారు. నిజాయితీగా కార్డును అప్పగించిన ప్రీతమ్‌ను పోలీసులు అభినందించారు.