మాజీ సీఎం వైఎస్ జగన్మోహన్ రెడ్డి వైసిపి నేతలు ఎన్ని తప్పులు చేసినా సరే వాటి గురించి ఒక్కసారి కూడా మాట్లాడట్లేదు. వైసీపీ చేసిన అరాచకాలలో అతి పెద్దది తిరుమల తిరుపతి లడ్డును అపవిత్రం చేయడమే. నెయ్యి లాంటి కెమికల్ పదార్థాన్ని తీసుకొచ్చి లడ్డూల్లో కలిపేసి 58 కోట్ల మంది భక్తులతో తినిపించారు. ఇంతటి పాపాన్ని కూటమి ప్రభుత్వం బయటపెట్టింది. ఇప్పటికే సుప్రీంకోర్టు నియమించిన సి.బి.ఐ అధికారులు ఈ విషయాన్ని ప్రజల ముందు ఉంచారు. అయినా సరే దాన్ని కవర్ చేయడానికి వైసిపి నేతలు ప్రయత్నించడం అంటే అంతకంటే దారుణం ఇంకొకటి ఉండదు. ఇప్పుడు జగన్ ఏకంగా తిరుమల లడ్డూను అవమానిస్తున్నారు.
మొన్న పులివెందుల అరటి రైతులను పరామర్శించడానికి వెళ్లిన జగన్.. అక్కడ మాట్లాడుతూ రైతుల సమస్యలను పక్కదారి పట్టించడానికి కూటమి ప్రభుత్వం అదేదో లడ్డును హైలైట్ చేస్తోందని, అదేదో గుడి అంటూ చంద్రబాబు నాయుడు డైవర్ట్ చేస్తున్నాడు అంటూ మాట్లాడాడు. అంటే జగన్ కు తిరుమల తిరుపతి లడ్డు అని కూడా అనడానికి ఇష్టం లేదన్నమాట. తిరుమల వెంకటేశ్వర స్వామి ఆలయం అనడానికి కూడా ఆయనకు మనసు రావట్లేదు. కోట్లాదిమంది హిందువుల మనోభావాలను దెబ్బతీసే విధంగా జగన్ మాట్లాడాడు. ఇంతకంటే దారుణం ఇంకొకటి ఉంటుందా. జగన్ కు హిందూ దేవుళ్ళ మీద భక్తి లేదని ఎప్పటికప్పుడు నిరూపించుకుంటూనే ఉన్నాడు. ఆయన సీఎంగా ఉన్నప్పుడు ఆలయాలకు వెళ్ళటానికి కూడా మనసు ఒప్పక తాడేపల్లి ప్యాలెస్ లోనే ఆలయాల సెట్లు వేయించుకొని ఆర్టిఫిషియల్ పూజలు చేసిన వ్యక్తి జగన్.
అలాంటి వ్యక్తికి తిరుమల లడ్డు అంటే అసలు లెక్కే లేదని మరోసారి నిరూపించుకున్నాడు. వైసిపి నేతలు చేసిన పాపాల గురించి ఒక్కటి కూడా మాట్లాడకుండా ఏకంగా తిరుమల లడ్డూను అవమానించే విధంగా మాట్లాడుతున్నాడు అంటే జగన్ ఒకవేళ అధికారంలోకి వస్తే ఇంకా ఎంత దారుణంగా మాట్లాడుతాడు అనేది ఇప్పుడు హిందూ భక్తులు అర్థం చేసుకోవాలి. వైవి సుబ్బారెడ్డి పిటిషన్ వేసి మరీ ఏర్పాటు చేయించుకున్న సి.బి.ఐ అధికారులే లడ్డూలో నెయ్యి కాకుండా కెమికల్ వాడాలని చెప్పిన తర్వాత కూడా జగన్ దాన్ని కవర్ చేయడానికి డైవర్ట్ చేయడానికి ప్రయత్నిస్తున్నాడు అంటే ఒకవేళ అధికారంలోకి వస్తే ఇంకా ఎంత దారుణంగా హిందూ ఆలయాల మీద ఇలాంటి అరాచకాలు జరుగుతాయో ఊహించాలి అంటున్నారు కూటమినేతలు. తాను సెక్యులర్ అని చెప్పుకునే జగన్, ఐదేళ్లు సీఎంగా ఉన్న వ్యక్తి ఇలా మాట్లాడొచ్చునా అంటూ విమర్శలు గుప్పిస్తున్నారు హిందూ భక్తులు.