అమెజాన్ సెల్లర్ సర్వీసెస్ ప్రైవేట్ లిమిటెడ్‌పై CCPA చర్యలు తీసుకుంది. ఇ-కామర్స్ ప్లాట్‌ఫారమ్ తన స్వీట్లు/ ఆహార పదార్థాలను అయోధ్యలోని రాముని ప్రసాదం పేరుతో విక్రయిస్తోంది. ప్రజల భావోద్వేగాలతో ఆడుకుంటూ రాముడి పేరుతో మోసం చేస్తున్నారు .
ప్రస్తుతం రాముని ప్రసాదం పై ప్రజలు ఎన్నో ఆశలు పెట్టుకున్నారు. అయోధ్యకు వెళ్లే వారికి ఫర్వాలేదు. కానీ వెళ్లలేని వారు ఆన్‌లైన్‌లో ప్రసాదం కోసం వెతుకుతున్నారు. అయితే ఇ-కామర్స్ ప్లాట్‌ఫారమ్‌లలో లభించే ఆఫర్‌లు నిజమైనవేనా అనేది ప్రశ్న.
గతంలో రాముని ప్రసాద్ పేరుతో ఎన్నో మోసాలు వెలుగులోకి వచ్చాయి. ఆ తర్వాత ఐటి మంత్రిత్వ శాఖ నోటీసు జారీ చేసింది. అమెజాన్‌తో సహా ఇతర ఇ-కామర్స్ ప్లాట్‌ఫారమ్‌ల నుంచి రామ మందిర ప్రసాదం ఆన్‌లైన్ అమ్మకంపై.. సమాధానాలు కోరుతామని తెలిపింది. ఇప్పుడు అమెజాన్ సెల్లర్ సర్వీసెస్ ప్రైవేట్ లిమిటెడ్‌పై చర్య ప్రారంభించినట్లు ఒక అప్‌డేట్ బయటకు వచ్చింది.
అమెజాన్‌పై చర్యలు..
ఛీఫ్ కమీషనర్ రోహిత్ కుమార్ సింగ్ నేతృత్వంలోని సెంట్రల్ కన్స్యూమర్ ప్రొటెక్షన్ అథారిటీ (CCPA) Amazon Seller Services Pvt Ltd.పై చర్యను ప్రారంభించింది. 'శ్రీరామ మందిర్ అయోధ్య ప్రసాద్' పేరుతో www.amazon.inలో స్వీట్ల విక్రయానికి సంబంధించి సమాధానం కోరింది.
CCPA నోటీసు జారీ చేసిన 7 రోజులలోపు అమెజాన్ నుంచి ప్రతిస్పందనను కోరింది, లేని పక్షంలో వినియోగదారుల రక్షణ చట్టం, 2019లోని నిబంధనల ప్రకారం వారిపై అవసరమైన చర్యను ప్రారంభిస్తుంది.
'శ్రీరామ మందిర్ అయోధ్య ప్రసాద్' ముసుగులో అమెజాన్ మిఠాయిల విక్రయాలతో మోసపూరిత వ్యాపార విధానాలకు పాల్పడుతోందని ఆరోపిస్తూ కాన్ఫెడరేషన్ ఆఫ్ ఆల్ ఇండియా ట్రేడర్స్ (సిఎఐటి) ఇచ్చిన ప్రాతినిథ్యం ఆధారంగా ఈ చర్య ప్రారంభించబడింది.
అమెజాన్ ఇ-కామర్స్ ప్లాట్‌ఫారమ్ (www.amazon.in)లో "శ్రీరామ మందిర్ అయోధ్య ప్రసాద్" అని చెప్పుకునే అనేక స్వీట్లు/ఆహార పదార్థాలు అమ్మకానికి అందుబాటులో ఉన్నాయని గమనించబడింది.
గమనిక: రామ్ ప్రసాద్ అమ్మకంపై ప్రభుత్వం సందేశం జారీ చేసే వరకు ఎలాంటి కుంభకోణానికి బలికాకుండా ఉండండి. ప్రస్తుతం, ఏ ఇ-కామర్స్ ప్లాట్‌ఫారమ్ నుంచి రామ్ ప్రసాద్‌ని ఆర్డర్ చేయవద్దు.