Ather Energy : ఏథర్ ఎలక్ట్రిక్ స్కూటర్లపై భారీ డిస్కౌంట్.. ఏకంగా రూ.20 వేలు ఆదా చేసుకునే ఛాన్స్.

Ather Energy : కొత్తగా ఎలక్ట్రిక్ స్కూటర్ కొనాలనుకునే వారికి ప్రముఖ ఈవీ తయారీ సంస్థ ఏథర్ ఎనర్జీ అదిరిపోయే గుడ్ న్యూస్ చెప్పింది. తన పాపులర్ మోడల్స్ అయిన రిజ్టా ఎస్, 450S స్కూటర్లపై భారీ డిస్కౌంట్లను ప్రకటించింది. కేంద్ర ప్రభుత్వ పీఎం ఈ-డ్రైవ్ సబ్సిడీ గడువు ముగియనుండటంతో, అంతకంటే ముందే కస్టమర్లను ఆకట్టుకోవడానికి ఏథర్ ఈ బంపర్ ఆఫర్లను తీసుకువచ్చింది. మార్చి 31 వరకు మాత్రమే అందుబాటులో ఉండే ఈ ఆఫర్ ద్వారా కస్టమర్లు ఏకంగా రూ.20,000 వరకు ఆదా చేసుకోవచ్చు.

ఈ డిస్కౌంట్ ప్యాకేజీని ఏథర్ సంస్థ మూడు విభాగాలుగా విభజించింది. ఇందులో భాగంగా క్రెడిట్ కార్డు ద్వారా కొనుగోలు చేసే వారికి రూ.10,000 ఇన్ స్టంట్ డిస్కౌంట్ లభిస్తుంది. దీనికి తోడు రూ.6,500 నేరుగా క్యాష్ డిస్కౌంట్, అలాగే రూ.3,500 విలువైన ఎక్స్‌ట్రా పార్ట్స్ వారంటీని కంపెనీ ఉచితంగా అందిస్తోంది. ఈ ఆఫర్లన్నీ కలిపితే, ముంబై ఎక్స్‌షోరూమ్ వద్ద రిజ్టా ఎస్ ధర రూ.1,04,758కి చేరుకుంది. అలాగే పవర్‌ఫుల్ పర్ఫార్మెన్స్ ఇచ్చే 450S మోడల్ ధరపై సుమారు రూ.17,899 తగ్గింపు లభించడంతో దీని ధర ఇప్పుడు రూ.1,13,100 వద్ద ఉంది. దేశవ్యాప్తంగా ఉన్న ఏథర్ ఎక్స్‌పీరియన్స్ సెంటర్లలో ఈ ప్రయోజనాలు పొందవచ్చు.

ముఖ్యంగా కుటుంబ అవసరాలను దృష్టిలో ఉంచుకుని రూపొందించిన ఏథర్ రిజ్టా ఎస్ ఇప్పుడు హాట్ కేకుల్లా అమ్ముడవుతోంది. ఇందులో సీటు కింద 34 లీటర్ల భారీ స్టోరేజ్ స్పేస్ ఉంటుంది, దీనివల్ల సామాన్లు పెట్టుకోవడం చాలా సులభం. ఒక్కసారి ఛార్జ్ చేస్తే ఈ స్కూటర్ 123 కిలోమీటర్ల రేంజ్ ఇస్తుంది. ఇందులో 2.9 kWh బ్యాటరీని అమర్చారు, ఇది గంటకు 80 కిలోమీటర్ల గరిష్ట వేగంతో ప్రయాణిస్తుంది. అంతేకాకుండా గూగుల్ మ్యాప్స్ ఇంటిగ్రేషన్, ఓవర్-ది-ఎయిర్ (OTA) అప్‌డేట్స్ వంటి స్మార్ట్ ఫీచర్లు ఈ స్కూటర్ సొంతం.

మరోవైపు, వేగాన్ని ఇష్టపడే యువత కోసం 450S మోడల్ పర్ఫెక్ట్ ఛాయిస్. ఇందులో కూడా 2.9 kWh బ్యాటరీ ఉంటుంది, ఇది 115 కిలోమీటర్ల రేంజ్ ఇస్తుంది. 6 kW పవర్‌ఫుల్ మోటార్ సహాయంతో ఇది ట్రాఫిక్‌లో చాలా వేగంగా దూసుకుపోతుంది. ప్రభుత్వం ఇచ్చే సబ్సిడీలు తగ్గిపోతున్న తరుణంలో, ఏథర్ ఇస్తున్న ఈ ఆఫర్ కొత్త బైక్ కొనేవారికి ఆర్థికంగా చాలా ఊరటనిస్తుంది. ఇంకెందుకు ఆలస్యం మార్చి 31 లోపు ఈ సదవకాశాన్ని వినియోగించుకోండి.