Bank Holidays : డిసెంబర్ 2025లో బ్యాంకులకు భారీ సెలవులు.. ఏకంగా 18 రోజులు బ్యాంకులు బంద్.

Bank Holidays : సంవత్సరంలో చివరి నెల అయిన డిసెంబర్ 2025లో దేశంలోని వివిధ రాష్ట్రాలు, నగరాల్లో బ్యాంకులకు చాలా రోజులు సెలవులు రానున్నాయి. నాలుగు ఆదివారాలు, రెండు (రెండవ, నాల్గవ) శనివారాలను కలుపుకుంటే, ఈ నెలలో బ్యాంకులకు మొత్తం 18 రోజుల వరకు సెలవులు ఉండే అవకాశం ఉంది. భారతదేశంలో బ్యాంకు సెలవులు ఆయా రాష్ట్రాలను బట్టి, జాతీయ, ప్రాంతీయ, మతపరమైన పండుగలు, ప్రత్యేక సందర్భాలను బట్టి మారుతూ ఉంటాయి. ఈ నెలలో అత్యంత ముఖ్యమైన పండుగ క్రిస్మస్ సందర్భంగా దేశవ్యాప్తంగా బ్యాంకులు మూతబడతాయి.

డిసెంబర్ నెలలో క్రిస్మస్ పండుగ సందర్భంగా డిసెంబర్ 25న దేశవ్యాప్తంగా బ్యాంకులు మూతబడతాయి. అయితే మిజోరాం, నాగాలాండ్, మేఘాలయ వంటి ఈశాన్య రాష్ట్రాలలో క్రిస్మస్ సందర్భంగా డిసెంబర్ 24 (క్రిస్మస్ ఈవ్), డిసెంబర్ 26 (క్రిస్మస్) తేదీలలో కూడా బ్యాంకులు అదనంగా బంద్ అవుతాయి. ముఖ్యమైన ప్రాంతీయ సెలవులలో కొన్ని:

గోవాలో డిసెంబర్ 3 (సెయింట్ ఫ్రాన్సిస్ జేవియర్ పండుగ), డిసెంబర్ 19 (గోవా విముక్తి దినోత్సవం) సందర్భంగా సెలవులు ఉంటాయి. అలాగే సిక్కింలో డిసెంబర్ 20, 22 తేదీలలో లోసూంగ్ లేదా నామ్‌సూంగ్ పండుగ కారణంగా బ్యాంకులు మూతపడతాయి. డిసెంబర్ 21 ఆదివారం కావడం వలన అక్కడ వరుసగా మూడు రోజులు బ్యాంకులు బంద్ అవుతాయి.

నాగాలాండ్, అరుణాచల్ ప్రదేశ్, మేఘాలయల్లో రాష్ట్రావతరణ దినోత్సవం, యు సోసో థామ్ పుణ్యతిథి, క్రిస్మస్ సందర్భంగా డిసెంబర్ 1, 12, 18, 26, 30 వంటి తేదీల్లో ప్రాంతీయ సెలవులు ఉన్నాయి.

డిసెంబర్ నెలలో నాలుగు ఆదివారాలు (7, 14, 21, 28), రెండు శనివారాలు (13, 27) నాడు దేశవ్యాప్తంగా బ్యాంకులు మూసివేయబడతాయి. ప్రాంతీయ సెలవుల వివరాలు:

డిసెంబర్ 1: అరుణాచల్ ప్రదేశ్, నాగాలాండ్‌లో బ్యాంకులు బంద్.

డిసెంబర్ 19: గోవా విముక్తి దినోత్సవం సందర్భంగా గోవాలో సెలవు.

డిసెంబర్ 20 & 22: లోసూంగ్ పండుగ కారణంగా సిక్కింలో సెలవు.

డిసెంబర్ 31: న్యూ ఇయర్ సందర్భంగా ఐజ్వాల్, ఇంఫాల్‌లలో బ్యాంకులు మూతపడతాయి.

బ్యాంక్ లావాదేవీల కోసం ప్రణాళిక వేసుకునేవారు ఈ సెలవుల జాబితాను ఒకటికి రెండుసార్లు తనిఖీ చేసుకుని, అత్యవసర పనుల కోసం ఆన్‌లైన్ బ్యాంకింగ్ సేవలను లేదా మొబైల్ యాప్‌లను ఉపయోగించుకోవడం మంచిది.