Hybrid Sales : ఈవీలకు గుడ్‌బై..హైబ్రిడ్‌కు జై కొట్టిన జనం..హ్యుందాయ్-కియా రికార్డ్ సేల్స్.

Hybrid Sales : గ్లోబల్ ఆటోమొబైల్ మార్కెట్‌లో హైబ్రిడ్ వాహనాల డిమాండ్ అమాంతం పెరిగింది. దీనికి నిదర్శనంగా హ్యుందాయ్ మోటార్ కంపెనీ, కియా కార్స్ కలిసి ఈ ఏడాది కొత్త రికార్డును సృష్టించాయి. 2025 మొదటి మూడు త్రైమాసికాల్లో ఈ రెండు సంస్థలు ప్రపంచవ్యాప్తంగా 8,31,933 హైబ్రిడ్ వాహనాలను విక్రయించాయి. ఇది గత ఏడాదితో పోలిస్తే 27.2% వృద్ధి. ఇదే జోరు కొనసాగితే, ఈ ఏడాది మొత్తం అమ్మకాలు 11 లక్షల యూనిట్లను మించిపోవడం ఖాయం.

హ్యుందాయ్, కియా సంస్థలు కలిసి 2025 మొదటి తొమ్మిది నెలల్లో ప్రపంచవ్యాప్తంగా 8,31,933 హైబ్రిడ్ వాహనాలను అమ్మి ఒక కొత్త రికార్డును సృష్టించాయి. ఇది గత సంవత్సరం కంటే 27.2% అధిక వృద్ధి. ఇదే వేగంతో వెళ్తే, ఈ ఏడాది ముగిసేనాటికి ఈ సంస్థల హైబ్రిడ్ అమ్మకాలు సులభంగా 11 లక్షల యూనిట్ల మార్కును దాటగలవు. అనేక అంతర్జాతీయ మార్కెట్‌లలో హైబ్రిడ్ కార్లు ఇప్పుడు ప్రధాన ఎంపికగా మారుతున్నాయి.

హైబ్రిడ్ వాహనాల వైపు వినియోగదారులు మొగ్గు చూపడానికి కొన్ని ప్రధాన కారణాలు ఉన్నాయి. ప్రపంచవ్యాప్తంగా ఎలక్ట్రిక్ వాహనాల కోసం ఇచ్చే ప్రభుత్వ ప్రోత్సాహకాలు (సబ్సిడీలు) తగ్గడం. ఈవీల బ్యాటరీ తయారీ ఖర్చులు విపరీతంగా పెరగడం.పూర్తి స్థాయి ఈవీల కొనుగోలుపై వినియోగదారుల్లో నెలకొన్న అనిశ్చితి. సాంప్రదాయ పెట్రోల్ కార్ల సౌలభ్యం, ఎలక్ట్రిక్ కార్ల మైలేజీ రెండింటినీ హైబ్రిడ్ కార్లు అందిస్తుండటం వలన ఇవి కస్టమర్లకు అత్యంత ఆకర్షణీయంగా మారాయి.

హ్యుందాయ్-కియా కంపెనీల ఎస్‌యూవీ మోడల్స్ ఈ అమ్మకాలలో ముందున్నాయి. మొదటి మూడు త్రైమాసికాల్లో అత్యధికంగా అమ్ముడైన హైబ్రిడ్ మోడల్స్:

* టక్సన్ హైబ్రిడ్: 1,32,991 యూనిట్లు

* స్పోర్టేజ్ హైబ్రిడ్: 1,20,054 యూనిట్లు

* సాంటా ఫే హైబ్రిడ్: 95,168 యూనిట్లు

హ్యుందాయ్‌కి ముఖ్యమైన మార్కెట్లలో ఒకటైన అమెరికాలో, ఈ హైబ్రిడ్ ట్రెండ్ వేగంగా పెరిగింది. గత అక్టోబర్‌లో, అమెరికన్ ప్రభుత్వం $7,500 వరకు ఇచ్చే ఫెడరల్ ఎలక్ట్రిక్ వెహికల్ సబ్సిడీని దశలవారీగా నిలిపివేయడం మొదలుపెట్టింది. దీని ప్రభావంతో పూర్తి స్థాయి ఈవీలను కొనుగోలు చేయడానికి వెనుకాడే కొనుగోలుదారులకు, హైబ్రిడ్ కార్లు ఇప్పుడు ఆర్థికంగా మరింత అనుకూలమైన ఆప్షన్ గా కనిపిస్తున్నాయి. కొరియాలోనూ కొత్త పాలిసేడ్ హైబ్రిడ్ అమ్మకాల్లో తన పెట్రోల్ మోడల్‌ను అధిగమించడం ఈ మార్పుకు నిదర్శనం.