Maruti Wagon R: ఫ్యామిలీకి పర్ఫెక్ట్ కారు..మారుతి వ్యాగన్ ఆర్ అంటే ఎందుకంత క్రేజ్?

Maruti Wagon R: మారుతి సుజుకి వ్యాగన్ ఆర్ భారత మార్కెట్‌లో చాలా కాలంగా కుటుంబాలకు అత్యంత నమ్మకమైన కారుగా గుర్తింపు పొందింది. రూ.6 లక్షల నుంచి రూ.8 లక్షల బడ్జెట్‌లో లభించే ఈ హ్యాచ్‌బ్యాక్ కారు కేవలం చవకైనది మాత్రమే కాదు, దానిలోని విశాలమైన క్యాబిన్ స్పేస్, మంచి మైలేజ్, తక్కువ మెయింటెనెన్స్ ఖర్చు కారణంగా మధ్యతరగతి కుటుంబాలకు ఇది మొదటి ఆప్షన్‎గా నిలుస్తోంది. ముఖ్యంగా రోజువారీ అవసరాలను బడ్జెట్‌తో బ్యాలెన్స్ చేయాలనుకునే వారికి వ్యాగన్ ఆర్ ఒక మంచి ఎంపిక.

వ్యాగన్ ఆర్ కుటుంబాలకు నచ్చడానికి అతి పెద్ద కారణం దాని అద్భుతమైన స్పేస్. కారు లోపల ఎక్కువ హెడ్‌రూమ్, మెరుగైన లెగ్‌రూమ్, సౌకర్యవంతమైన సీటింగ్ దీని సొంతం. ఇది రోజువారీ ప్రయాణాలకే కాకుండా చిన్న చిన్న ట్రిప్‌లకు కూడా అనుకూలంగా ఉంటుంది. పెద్ద బూట్ స్పేస్ కారణంగా సామాన్లు పెట్టుకోవడం సులువు. ఇంట్లో పిల్లలు లేదా వృద్ధులు ఉన్న కుటుంబాలకు కారులో ఎక్కడం దిగడం కూడా సులభం. దీనికి తోడు వ్యాగన్ ఆర్ మైలేజ్ పరంగా అద్భుతమైనది. సీఎన్‌జీ మోడల్ ఏకంగా కిలోకు 34 కి.మీ మైలేజ్ ఇస్తే, పెట్రోల్ మోడల్ 23-25కిమీ వరకు మైలేజ్ ఇస్తుంది. ఇది ఇంధన ధరల పెరుగుతున్న ఈ రోజుల్లో నెలవారీ బడ్జెట్‌ను తగ్గిస్తుంది.

వ్యాగన్ ఆర్ మూడవ అతి ముఖ్యమైన ప్రత్యేకత దాని తక్కువ మెయింటెనెన్స్ ఖర్చు. దేశవ్యాప్తంగా మారుతి సర్వీస్ నెట్‌వర్క్ చాలా పెద్దది. దీని కారణంగా సర్వీసింగ్, విడి భాగాలు సులభంగా దొరుకుతాయి. ఇతర కార్లతో పోలిస్తే దీని సర్వీస్ ఖర్చు తక్కువగా ఉంటుంది. సేఫ్టీ విషయంలో కూడా ఇది మెరుగైంది. ఇప్పుడు డ్యూయల్ ఎయిర్‌బ్యాగ్, ఏబీఎస్, ఈబీడీ, రివర్స్ పార్కింగ్ సెన్సార్‌లు వంటి ఫీచర్లు ఇందులో ఉన్నాయి. మొత్తం మారుతి వ్యాగన్ ఆర్ దాని ధర, స్థలం, మైలేజ్ సేఫ్టీ అద్భుతమైన కలయికతో భారతదేశంలోని లక్షలాది కుటుంబాలకు బెస్ట్ ఆప్షన్ గా నిలుస్తోంది.