Silver Price: బంగారమే కాదు వెండి ధరలు పైపైకి.. రూ.2 లక్షలు దాటిన కిలో వెండి ధర

వెండి బంగారం కంటే మరింత వేగంగా పెరుగుతోంది. తొలిసారిగా వెండి ధర కిలోకు రూ.2 లక్షలు దాటింది. రెండు రోజుల్లో రూ.16,000 పెరిగిన తర్వాత ధర రూ.2 లక్షల 6 వేలకు చేరుకుంది. మొదట సోమవారం రూ.7 వేలు, మంగళవారం వెండి కిలోకు రూ.9 వేలు పెరిగింది. వెండి ధర ఇంతకు ముందు ఎప్పుడూ ఇంతగా పెరగలేదని మార్కెట్ వర్గాలు తెలిపాయి. వెండి మాత్రమే కాదు, బంగారం ధర కూడా గణనీయంగా పెరిగింది.

22 క్యారెట్ల బంగారం ధర రూ.2,700 పెరిగి రూ.1 లక్ష 17 వేల 650కి చేరుకుంది. అమెరికా డాలర్‌తో పోలిస్తే కరెన్సీ బలహీనత కారణంగా ఇంత దారుణమైన పరిస్థితి తలెత్తిందని మార్కెట్ నిపుణులు అంచనా వేస్తున్నారు. ప్రపంచ ఆర్థిక వ్యవస్థలో అనిశ్చితి కొనసాగుతున్నందున, పెట్టుబడిదారులు బంగారం కొనుగోలుకు ప్రాధాన్యం ఇస్తున్నారు. దాంతో డిమాండ్ పెరుగుతోంది.