Tata Punch : ఒక్కసారి ఛార్జ్ చేస్తే చాలు..500 కిలోమీటర్ల రేంజ్ పక్కా..హైదరాబాద్ నుంచి వైజాగ్ వెళ్ళిపోవచ్చు.

Tata Punch : ఎలక్ట్రిక్ కార్ల మార్కెట్‌లో రారాజుగా వెలుగుతున్న టాటా మోటార్స్, తన పాపులర్ మోడల్ పంచ్ ఈవీని మరింత పవర్‌ఫుల్‌గా మార్చేందుకు సిద్ధమైంది. సరికొత్త ఫేస్‌లిఫ్ట్ వెర్షన్‌ను ఫిబ్రవరి 20, 2026న విడుదల చేయబోతున్నట్లు కంపెనీ ప్రకటించింది. ఈసారి కేవలం లుక్స్ మాత్రమే కాకుండా, ఏకంగా 500 కిలోమీటర్ల రేంజ్ ఇచ్చే భారీ బ్యాటరీతో ఈ కారు రోడ్లపైకి రాబోతోంది. మధ్యతరగతి ప్రజలకు అందుబాటు ధరలో ఎక్కువ మైలేజ్ ఇచ్చేలా టాటా ఈ ప్లాన్ వేసింది.

టాటా మోటార్స్ తన నెక్సాన్ ఈవీలో వాడే 45kWh భారీ బ్యాటరీ ప్యాక్‌ను ఇప్పుడు కొత్త పంచ్ ఈవీలో కూడా అమర్చాలని భావిస్తోంది. దీనివల్ల ఈ చిన్న ఎస్‌యూవీ ఏకంగా 145bhp పవర్, 215Nm టార్క్‌ను ఉత్పత్తి చేస్తుంది. ప్రస్తుతం ఉన్న అంచనాల ప్రకారం, దీని ఏఆర్ఏఐ రేంజ్ సుమారు 489 కిలోమీటర్ల నుంచి 500 కిలోమీటర్ల వరకు ఉండే అవకాశం ఉంది. అంటే ఒక్కసారి ఫుల్ ఛార్జ్ చేస్తే వారం మొత్తం ఆఫీసు పనులకు లేదా ఊళ్లకు వెళ్లడానికి ఎలాంటి టెన్షన్ ఉండదు.

కొత్త 2026 టాటా పంచ్ ఈవీ లోపల చూస్తే మీరు ఆశ్చర్యపోవాల్సిందే. ఇందులో లగ్జరీ కార్లలో ఉండే 12.3 అంగుళాల భారీ టచ్‌స్క్రీన్ ఇన్ఫోటైన్‌మెంట్ సిస్టమ్‌ను ఏర్పాటు చేస్తున్నారు. దీంతో పాటు మ్యూజిక్ ప్రియుల కోసం హర్మాన్ కార్డన్ ఆడియో సిస్టమ్, ఆకాశాన్ని చూస్తూ ప్రయాణించడానికి పనోరమిక్ సన్‌రూఫ్ వంటి ప్రీమియం ఫీచర్లు ఉండబోతున్నాయి. కారు బయట వైపు కూడా కొత్త డిజైన్ గ్రిల్, కనెక్టెడ్ ఎల్ఈడీ డీఆర్ఎల్స్, సరికొత్త అలాయ్ వీల్స్‌తో కారు లుక్ అల్ట్రా మోడ్రన్‌గా మారనుంది.

టాటా మోటార్స్ ప్లాన్ కేవలం పంచ్ ఈవీతోనే ఆగడం లేదు. 2026లోనే లెజెండరీ సియెర్రా ఈవీ కూడా లాంచ్ కాబోతోంది. దీని తర్వాత టాటా తన ప్రీమియం సబ్-బ్రాండ్ అవిన్యాను కూడా ప్రపంచానికి పరిచయం చేయనుంది. ఇది Gen-3 ఎలక్ట్రిక్ ప్లాట్‌ఫామ్‌పై నిర్మించబడుతుంది. ఇందులో అల్ట్రా-ఫాస్ట్ ఛార్జింగ్, అడ్వాన్స్‌డ్ ఏడీఏఎస్, అప్‌డేటెడ్ సాఫ్ట్‌వేర్ వంటి భవిష్యత్తు టెక్నాలజీలు ఉండబోతున్నాయి. మొత్తంమీద 2026 సంవత్సరం టాటా ఎలక్ట్రిక్ కార్ల నామ సంవత్సరంగా మారబోతోంది.