Royal Enfield : బైక్ ప్రియులకు పండగే.. 2026లో వస్తున్న టాప్-3 బైక్స్ ఇవే.

Royal Enfield : 2025లో భారత టూ వీలర్ మార్కెట్ కొత్త రికార్డులను సృష్టించగా, 2026 కూడా అదే జోరును కొనసాగించడానికి సిద్ధమైంది. ఈ ఏడాది బైక్ లవర్స్ కళ్లు ముఖ్యంగా మూడు భారీ లాంచ్‌లపై ఉన్నాయి. రాయల్ ఎన్‌ఫీల్డ్ నుంచి అత్యంత పవర్ఫుల్ మోడల్స్ రాబోతుండగా, బిఎమ్‌డబ్ల్యూ కూడా మధ్యతరగతి బైకర్లను ఆకర్షించడానికి సరికొత్త అడ్వెంచర్ బైక్‌ను సిద్ధం చేసింది.

1. రాయల్ ఎన్‌ఫీల్డ్ బుల్లెట్ 650 : రాయల్ ఎన్‌ఫీల్డ్ చరిత్రలోనే అత్యంత పవర్‌ఫుల్ బుల్లెట్‎గా ఇది గుర్తింపు పొందనుంది. జనవరి 2026లో ఇది లాంచ్ అయ్యే అవకాశం ఉంది. 648 సీసీ ప్యారలల్-ట్విన్ ఇంజిన్‌తో వచ్చే ఈ బైక్, ఐకానిక్ బుల్లెట్ లుక్‌ను ఏమాత్రం మార్చకుండా మరింత పవర్‌తో వస్తోంది. ఇందులో క్లాసిక్ వింగ్డ్ బ్యాజ్, సిగ్నేచర్ టైగర్-ఐ ల్యాంప్స్, 6-స్పీడ్ గేర్‌బాక్స్ ఉంటాయి. ఇది సుమారు 47 bhp పవర్, 52.3 Nm టార్క్‌ను ఉత్పత్తి చేస్తుంది. లాంగ్ జర్నీలు చేసే వారికి ఇది ఒక పర్ఫెక్ట్ క్రూయిజర్ కానుంది.

2. రాయల్ ఎన్‌ఫీల్డ్ హిమాలయన్ 750 : హిమాలయన్ 450తో అడ్వెంచర్ సెగ్మెంట్‌లో సంచలనం సృష్టించిన రాయల్ ఎన్‌ఫీల్డ్, ఇప్పుడు మరింత పెద్ద 750 సీసీ ప్లాట్‌ఫారమ్‌తో వస్తోంది. ఈ బైక్ బ్రాండ్ అత్యంత శక్తివంతమైన అడ్వెంచర్ బైక్ కానుంది. ఇది సుమారు 55 bhp పవర్, 65 Nm టార్క్‌ను అందిస్తుంది. హైవేలపై వేగంగా వెళ్లడమే కాకుండా, కఠినమైన దారుల్లో కూడా ఇది అద్భుతంగా పనిచేస్తుంది. దీనిని 2026 చివరలో మార్కెట్లోకి వచ్చే అవకాశం ఉందని అంచనా.

3. బిఎమ్‌డబ్ల్యూ ఎఫ్ 450 జిఎస్ : లగ్జరీ బైక్ బ్రాండ్ బిఎమ్‌డబ్ల్యూ నుంచి వస్తున్న అత్యంత సరసమైన అడ్వెంచర్ బైక్ ఇది. జనవరి 2026లోనే ఇది భారత్‌లో లాంచ్ కాబోతోంది. 420 సీసీ, లిక్విడ్-కూల్డ్ ఇంజిన్‌తో వచ్చే ఈ బైక్ 48 bhp పవర్‌ను ఉత్పత్తి చేస్తుంది. కేవలం 175 కిలోల బరువు ఉండటం వల్ల దీనిని హ్యాండిల్ చేయడం చాలా సులభం. అడ్వాన్స్‌డ్ ఫీచర్లు, అద్భుతమైన బిల్డ్ క్వాలిటీతో వచ్చే ఈ బైక్, కేటిఎం 390 అడ్వెంచర్‌కు గట్టి పోటీ ఇవ్వనుంది.