Cruiser Bikes : వెనుక కూర్చునే వారికి బంపర్ ఆఫర్..కంఫర్ట్‌లో నంబర్ 1 ఈ 5 క్రూయిజర్ బైక్స్ ఇవే.
Cruiser Bikes : భారత మార్కెట్లో ఇప్పుడు రైడర్‌తో పాటు వెనుక కూర్చునే వారికి కూడా ఎక్కువ సౌకర్యం ఇచ్చే బైక్‌లు దొరుకుతున్నాయి. ఈ క్రూయిజర్ బైక్‌లు మంచి స్టైల్, రైడ్ క్వాలిటీ కలయికగా ఉంటాయి. లాంగ్ రైడ్స్‌లో అలసట లేకుండా, అత్యుత్తమ సౌకర్యం ఇచ్చే టాప్ 5 క్రూయిజర్ బైక్‌లు ఇక్కడ ఉన్నాయి.
1. హార్లే-డేవిడ్‌సన్ X440
భారతీయ రోడ్ల కోసం ప్రత్యేకంగా తయారు చేసిన హార్లే-డేవిడ్‌సన్ X440 వెనుక కూర్చునే వారికి అద్భుతమైన సౌకర్యం ఇస్తుంది. దీని ఎక్స్-షోరూమ్ ధర సుమారు రూ.2.40 లక్షలు. ఇందులో 440 సీసీ ఎయిర్ అండ్ ఆయిల్ కూల్డ్ ఇంజిన్ ఉంది. ఇది 6000 ఆర్‌పిఎం వద్ద 27.37 పీఎస్ పవర్ ఉత్పత్తి చేస్తుంది. దీని శక్తివంతమైన ఇంజిన్, మెరుగైన డిజైన్ కారణంగా వెనుక సీటు వారికి ఎక్కువ అలసట లేకుండా సుదీర్ఘ ప్రయాణాలు సులభం అవుతాయి.
2. రాయల్ ఎన్‌ఫీల్డ్ మెటియోర్ 350
రాయల్ ఎన్‌ఫీల్డ్ నుంచి వచ్చిన మెటియోర్ 350 రైడర్‌తో పాటు పిల్లియన్ సౌకర్యం కోసం ప్రత్యేకంగా రూపొందించారు. దీని ప్రత్యేక పిల్లియన్ సీటు చాలా సౌకర్యవంతంగా ఉంటుంది. ఇది ఇద్దరికీ లాంగ్ రైడ్‌లను హాయిగా మారుస్తుంది. 1,400 మి.మీ వెడల్పు ఉన్న వీల్‌బేస్, దృఢమైన సస్పెన్షన్ కారణంగా, గుంతల రోడ్లపై కూడా వెనుక కూర్చున్న వారికి పెద్దగా ఇబ్బంది ఉండదు. దీని ఎక్స్-షోరూమ్ ధర రూ.1.91 లక్షలు.
3. హోండా హెచ్ నెస్ సీబీ350
హోండా నుంచి వచ్చిన క్లాసిక్ క్రూయిజర్ బైక్ హెచ్ నెస్ సీబీ350 వెనుక కూర్చునే వారికి మంచి సౌకర్యం ఇస్తుంది. ఇందులో స్ప్లిట్ సీట్లు ఉన్నాయి. వెనుక సీటు బాగా మందంగా ఉండి, వెడల్పుగా ఉండటం, మంచి కుషనింగ్ ఇవ్వడం దీనికి బలం. బైక్ స్మూత్ సస్పెన్షన్ సెటప్‌తో ఈ సీటు లాంగ్ రైడ్స్‌ను చాలా సౌకర్యవంతంగా చేస్తుంది. దీని ఎక్స్-షోరూమ్ ధర సుమారు రూ.1.92 లక్షలు.
4. బజాజ్ అవెంజర్ క్రూయిజ్ 220
తక్కువ ధరలో క్రూయిజర్ సౌకర్యాన్ని కోరుకునే వారికి బజాజ్ అవెంజర్ క్రూయిజ్ 220 ఒక అద్భుతమైన ఆప్షన్. పొడవైన ఫుట్‌పెగ్ పొజిషన్, లైట్ ఫ్రేమ్ డిజైన్ కారణంగా, వెనుక కూర్చున్న వారికి ముందుకు ఎక్కువ ఒత్తిడి కలగకుండా ఉంటుంది. ధర తక్కువైనప్పటికీ, సౌకర్యం విషయంలో రాజీ పడకుండా మంచి రైడింగ్ అనుభవాన్ని ఈ బజాజ్ మోడల్ అందిస్తుంది. దీని ఎక్స్-షోరూమ్ ధర రూ.1.37 లక్షలు.
5. రాయల్ ఎన్‌ఫీల్డ్ క్లాసిక్ 350
భారతదేశంలో అత్యంత ప్రజాదరణ పొందిన రెట్రో బైక్‌లలో ఒకటైన రాయల్ ఎన్‌ఫీల్డ్ క్లాసిక్ 350 కూడా మంచి సౌకర్యం ఇస్తుంది. ఇది విశాలమైన బెంచ్ సీటు, క్లాసిక్ క్రూయిజర్ ఫుట్‌పెగ్‌లతో కూడిన సీటింగ్ లేఅవుట్‌తో వస్తుంది. బైక్ 195 కిలోల బరువు ఉండటం వల్ల రైడింగ్‌లో స్థిరత్వం ఉంటుంది, ఇది వెనుక కూర్చున్న వారికి మంచి అనుభూతి ఇస్తుంది. దీని ఎక్స్-షోరూమ్ ధర రూ.1.81 లక్షలు.