Blockbuster : రికార్డులు కొల్లగొడుతున్న మహావతార్ నరసింహ...200 కోట్లు దాటిన వసూళ్లు.

శ్రీ మహా విష్ణువు దశావతారాల్లో ప్రధానమైన నరసింహ అవతారం కథ నేపథ్యంలో యానిమేటెడ్ మూవీ గా ప్రేక్షకుల ముందుకు వచ్చిన మహావతార నరసింహ సినిమా బాక్సాఫీస్ రికార్డులను కొల్లగొడుతోంది. తాజాగా 200 కోట్ల క్లబ్ లో చేరిన ఈ యానిమేటెడ్ మూవీ థియేటర్లలో సందడి చేస్తోంది. యానిమేటెడ్ సినిమాలు అంటే కేవలం చిన్న పిల్లల కోసం అనే ట్యాగ్ లైన్ ను బ్రేక్ చేసింది ఈ సినిమా. 200 కోట్ల వసూళ్లు సాధించడంతో మూవీ యూనిట్ సంతోషం వ్యక్తం చేస్తోంది.

క్లీము ప్రొడక్షన్ , హోంబలే ఫిల్మ్స్ నిర్మాణ సారథ్యంలో వచ్చిన ఈ సినిమా కు అశ్విన్ కుమార్ దర్శకత్వం వహించారు. జూలై 25 న విడుదల అయిన ఈ పౌరాణిక చిత్రం వరల్డ్ వైడ్ గా ఇప్పటివరకు రూ.210 కోట్లు వసూలు చేసినట్లు మూవీ టీమ్ తెలిపింది. ఈ విషయాన్ని దర్శకుడు అశ్విన్ కుమార్ ఓ ఇంటర్వ్యూలో చెబుతూ ఆనందాన్ని వ్యక్తం చేశారు. కంటెంట్ బాగుంటే జనాలు తప్పకుండా సినిమాను ఆదరిస్తారూ అనడానికి ఇదే నిదర్శనమన్నారు.