డ్రాగన్ సినిమాతో ఓవర్ నైట్ లో స్టార్ హీరోయిన్ గా ఎదిగిన అమ్మడు కయాదు లోహార్. ఈ నాలుగేళ్ల కెరీర్లో ఆమె చేసిన సినిమాల కన్నా ఈ ఏడాది కమిటైన ప్రాజెక్టులే ఎక్కువ. డ్రాగన్ తర్వాత కయాద్ సుమారు అరడజను సినిమాలకు సైన్ చేసిందని టాక్. కోలీవుడ్ మాత్రమే కాదు టాలీవుడ్ లోను వరుస సినిమాలను సైన్ పెట్టేసిందీ బ్యూటీ. తెలుగులో శ్రీవిష్ణుతో అల్లూరితో ఎంట్రీ ఇవ్వగా అప్ప ట్లో ఎవరు పెద్దగా పట్టించుకోలేదు. కానీ డ్రాగన్ క్లిక్ సూపర్ హిట్ కావడంతో ఇప్పుడు హాట్ పేవరేట్ హీరోయిన్ అయ్యింది. తమిళంలో ఇప్పటికే 'ఇదయం మురళి' అనే సినిమా చేస్తోన్న భామ శింబు 49 మూవీకి కమిటైంది. జీవీ ప్రకాష్ 'ఇమ్మోర్టల్' లోను ఈ బ్యూటీనే హీరోయిన్ గా నటిస్తోంది. తాజాగా ఈ సినిమా ఫస్ట్ లుక్ పోస్టర్ ను కూడా రిలీజ్ అయ్యింది. మలయాళంలో నివిన్ పౌలీ సరసన తారంలో నటిస్తోంది. తెలుగులో కూడా చాన్సులు క్యూకడుతున్నాయి. విశ్వక్ సేన్ ఫంకీలో మేడమ్ ఫిక్సైంది. రవితేజ ప్రాజెక్టులో అమ్మడి పేరు పరిశీలనలో ఉన్నట్లు సమాచారం. వీటితో పాటు టాలీవుడ్ హై ఆక్టేన్ మూవీ ప్యారడైజ్ లో నానికి పెయిర్ కయాద్ లోహారు ఆల్మోస్ట్ ఫిక్స్ చేసేశారు. సౌత్ ను ఇలా ఊపేస్తోంది కయాదు.