బాలీవుడ్లో సీనియర్ స్టార్ హీరోయిన్లకు దీటుగా తన రేంజ్ కొనసాగిస్తోంది అందాల భామ కియారా అద్వాని. ఎమ్మెస్ ధోని అంటోల్డ్ స్టోరీతో లైం లైట్ లోకి వచ్చిన అమ్మడు ఆ సినిమా తర్వాత వరుస ఛాన్సులు అందుకుంది. తెలుగులో కూడా భరత్ అనే నేను, వినయ విధేయ రామసినిమాల్లో నటించింది కియరా.
రీసెంట్ గా జరిగిన కేన్స్ ఫిల్మ్ ఫెస్టివల్ లో ఇండియా తరపున ఉమెన్ ఇన్ సినిమా చర్చలో పాల్గొనేందుకు ఇన్విటేషన్ అందుకుంది కియరా. కేన్స్ ఫెస్టివల్ కు ఆహ్వానం అందడం తనని ఎంతగానో సంతోష పరచిందని అన్నారు కియరా అద్వానీ. చిన్నప్పుడు ఫ్యామిలీ మొత్తం ఫిల్మ్ ఫెస్టివల్ చూడటానికి వెళ్లా ఇప్పుడు అదే ఫెస్టివల్ కు ఆహ్వానం అందడంతో చాలా సంతోషంగా ఉందని తెలిపింది.
రాబోతున్న సినిమాల్లో యాక్షన్ సీన్స్ కూడా చేస్తున్నట్టు చెప్పుకొచ్చింది ఈ ముద్దుగుమ్మ. కియరా ప్రస్తుతం వార్ 2, డాన్ 3 సినిమాల్లో నటిస్తుంది. ఈ రెండు సినిమాల్లో తాను యాక్షన్ సీన్స్ లో కూడా నటిస్తున్నానని హింట్ ఇచ్చింది కియరా. కంటెంట్ ఉన్న సినిమాలనే తాను చేస్తానని.. ప్రాధాన్యత లేని పాత్రలకు అసలు ఓకే చెప్పనని అంటుంది. ప్రస్తుతం కియారా రామ్ చరణ్ తో గేమ్ చేంజర్ సినిమాలో నటిస్తోంది.