మెగాస్టార్ చిరంజీవి ప్రస్తుతం 'విశ్వంభర' చిత్రాన్ని పూర్తిచేసేశారు. కొత్త సినిమా బిజీలో ఉన్నారు. ఇప్పటికే శ్రీకాంత్ ఓదెల దర్శకత్వంలో నటించేందుకు అంగీకరించారు. ఈ సినిమా అనంతరం అనిల్ రావిపూడి దర్శకత్వంలో నటించనున్నారు. ఈ సినిమాను సాహు గారపాటి, కొణిదెల సుష్మిత సంయుక్తంగా నిర్మించనున్నారు. శ్రీకాంత్ ఓదెల ప్రస్తుతం 'ది పారడైజ్ ' అనే సినిమా చేస్తున్నారు. ఇందులో నాని కథానాయకుడు. ఈ చిత్రం పూర్తిచేసిన అనంతరం చిరంజీవి సినిమాను ప్రారంభించే అవకాశం ఉందని తెలిసింది. చిరంజీవి సినిమాకు సంబంధించి కథా చర్చలను ఇదే నెలలో మొదలుపెడతారని తెలిసింది. ఈ విషయాన్ని దర్శకుడు అనిల్ రావిపూడి తెలిపారు. చిరంజీవితో ఆయన తీసే సినిమా వినోదాత్మకంగానే ఉంటుందని, చాలా కాలం తర్వాత ఈ తరహా సినిమా చేస్తున్నట్టు చిరంజీవి సై అంటున్నారు. 'సంక్రాంతికి వస్తున్నాం' వంటి మూడు వందల కోట్లు వసూలు చేసిన సినిమాను అందించిన అనిల్ రావిపూడి మెగాస్టార్ తో చేసే సినిమాపై ఇండస్ట్రీ బజ్ క్రియేట్ అయింది. కామెడీ టైమింగ్ లో ఇద్దరూ మాస్టర్లు కావడంతో ఈ కాంబినేషన్ పట్ల అభిమానుల్లో ఆసక్తి నెలకొంది.